Bateel Cafe Now Open at The Avenues

btel1 واخيراً وبعد طول انتظار تم افتتاح كافيه بتيل بالكويت
انا مغرمه بقهوتهم العربيه وما اطب دبي الا وانا ماره عليهم اكثر من مره
ادمااااان قهوتهم

مكانهم حالياً بالافنيوز بفيز ٢ مكان مطعم نابكيت سابقاً
المكان شرح واطلالته حلوه على الجراند افنيو
شغل عدل خوش قعده

طبعاً اهم معروفين بعد بتمرهم
انواع واشكال
btel2 وموفرين انواع من الحلويات الثانيه شكلها وايد يشوق اضافه للمعجنات وغيره
btel3
btel4 btel5
btel6 وطبعاً طلبت قهوه عربيه
وايبون معاها ضيافه ٣ فردات تمر
btel7 بصراحه القهوه زوينه
بس طعمها مو نفس اللي بدبي !!!
مادري شنو السبب 🙁
btel8 وسألتهم عن الحلويات اذا في شي مميز عندهم
ورشحت لي الويتر ميليفيه الدبس
وكان اختيار موفق
وايد طيبه
btel9 Bateel is located in The Avenues Mall, Phase 2

Review : Magnet Café + Workspace

magnet1 بالكويت احنا بالاكل محد يصك علينا
حق السوالف الزينه من مطاعم وقهاوي وحلويات شغل عدل
اللي يزور الكويت لازم يمتن له جم كيلو 🙂

هالايام الهبه متجهه صوب القهاوي الشبابيه
وكل وحده فيهم متميزه بشي

مثلاً ماغنيت مكان يديد فتح بالسالميه يجمع بين كونه مطعم وقهوه وتميز بقهوة البرو المثلجه

المكان شرااااحه ماشاء الله
magnet2magnet3magnet4 موفرين خدمه حلوه اهي شحن التلفون علشان محد يحاتي
magnet5 وعلى حسب علمي عندهم دور ثاني مخصص للدراسه او الاجتماعات
magnet6 الاكل حاطينه جدامكم تختارون اللي تبون
magnet7 magnet8 انا كنت رايحه مخصوص لقهوتهم البرو المثلجه
عجيبه
magnet9 وكيكة الزعفران والدرابيل خياااال
انصحكم فيها وبشده
magnet10 magnet located in Salmiya, Amr Bin Al-Aas Street, Block 3, Aknan Complex
Tel : 22254085
Instagram @Magnet.Kw

Review : Ubon Breakfast

ubonbf1 تمت دعوتي لتذوق منيو الريوق الجديد في مطعم اوبون

الحقيقه انا مو من ربع المطاعم التايلندية لكن كان عندي فضول اجرب الريوق
والحمدلله كانت فضول لذيذ 🙂
الاطباق اللي طلبناها ١٠/١٠

هذي اول مره ازور اوبون في مروج
وايد شرح ماشاء الله وقعدته اتينن
ubonbf2
ubonbf3 منيو الريوق
ubonbf4
ubonbf5 كوفي فرابتشينو
لذيذذذذذ
حاطين معاه كوكنت وصاير طعمه جنه ايس كريم قديم انقطع من السوق
ubonbf6 thai iced coffee with milk
ubonbf7 طلبنا سلة خبز فريش مسوينها عندهم
ubonbf8 وايي معاها صلصات طازجه
مانجا
ليمون مع لايم
جوز الهند
اناناس

المانجا خطيرررررررر
ubonbf9 Thai fried eggs with crispy chicken & hash brown
بيض مقلي نفس طريقة بيض عيون مع الدياي المقرمش والهاش براون
شي شي
وايد عجبنا لذيذذذذ
ubonbf10 egg benedict with tenderloin beef & hollandaise sauce
حتى هذي وايد لذيذه والطبق راهي يوكل شخصين
طعم اللحم عجيب وترف
ubonbf11 Bubble Waffles
وافلز مع الشوكولاته والموز والايسكريم
ubonbf12
ubonbf13 Tel : 22391617
Instagram @ubonkw

Starbucks Cold Brew

DSC04510 وصلني من ستاربكس علبه مرتبه
داخلها مشروبهم البارد اليديد كولد برو
وعليه من بره طريقة التحضير
DSC04513 المميز في هالقهوه انها بارده ويتم تخميرها في الماء البارد عشرين ساعه والنتيجه قهوة مركزه غنيه مع نكهة من الحمضيات والشوكولاته
DSC04515 جربت القهوة خاليه مع كوب ثلاث ارباعه ثلج كانت وايد طيبه ومرورتها عجبتني
تقدرون تضيفون لها حليب او اي نكهه تختارونها على ذوقكم
DSC04518 شلون تفضلون قهوتكم ؟

Geneva .. Day 1

g1day1 صايره كسلانه وايد بالبلوق ابط جبد روحي مع اني اوله عليه وايد
تقرير سفرتي شهر ١١ المفروض من زمان نازل بس كل يوم اقول باجر 🙁

بشجع نفسي واحط لكم جزء علشان تحمسوني واكمل الباجي

طبعاً مخطط السفر كله تغير
كان المفروض جنيف ٣ ايام وبعدها ٦ ايام باريس
لكن صارت سالفه الانفجارات واضطرينا نغير الخطه وصارت السفره
جنيف ميلان روما

جنيف بالنسبه لي ذكريات الطفوله
في اماكن معينه بيني وبينها حنين
وكميه حب مو طبيعيه

اخر زياره لي كانت سنه ٩٧
يعني عمر ١٨ سنه ماشفت المكان

زيارتنا السابقه كلها في الصيف فهذي اول مره اروح لها بالشتا
بالصيف كانت لووووويه والسبب الكرنفال والاجازه بس بالشتا بعد الساعه ٦ قمة الكآبة حسافه عليها

حجزنا كان في فندق كمبنسكي (هلتون سابقاً) مكانه مقابل البحيره على طول بس مو جهة السوق الجهه الثانيه
g1day2g1day3 اللوبي
g1day4 ما راح اتكلم عن سعر الغرف لأن من فتره لي الثانيه يتغير السعر والافضل تسألون السفريات او المواقع اللي بتحجزون منها

هذي ضيافه الفندق عند الريسبشن
g1day5 الغرف حجمها زين ومريحه
ومتوفر فيها كل اللي تحتاجونه والشي الزين بفنادق هالايام انه يحطون لكم كل يوم بطل ماي مجاني
g1day6
g1day7
g1day8 قطينا الجناط ونزلنا نتمشى شي ونتعشى
مثل ماقلت فرق عن الصيف
هدووووووء وحتى جهة البحيره صخه الواحد يخاف يمشي
g1day9 ستاربكس مقابل البحيره
g1day10 ميغروس في جنيف وهذي تحديدا امووووت عليها
g1day11 فندق بلزك كنا ساكنين فيه سنه ٩٧
على ضيج الايام كانت الغرفه يطرد فيها الخيل كبيررررره وميزته مجابل الجمعيه وتحته مجموعه مطاعم منها تركي يبيع شاورما وهم جدامه ساحه كل احد يسوون فيها سوق للمزارعين وحتى الباص له وقفه يمه ومو بعيد من البحيره
g1day12 حصلنا مطعم بيتزا وقلنا نتعشى عندهم
اسم المطعم
La Rotorde
g1day13 اكلهم زين والبيتزا طيبه
ماكو ملاحظات عليه
g1day15
g1day14
g1day16 ان شاء الله اكمل معاكم ثاني يوم قريباً 😉

كافيه ميم .. سي ڤيو

meemview1
انعزمنا قبل فتره على ايفنت جميل بمناسبة افتتاح كافيه ميم في سي ڤيو
كل شي كان مرتب ومنظم من الحبيبه لايف وذ ايوت

المنيو يديد الديكور يديد والمكان ماشاء الله وايد شرح
meemview2
هذا الشي رهيب
عصير جوافه مع ورد
meemview3
اول شي قدموا لنا سلطاتهم الطيبه
فتوش الكيل
شي اول مره اجربه ووايد عجبني
meemview6
سلطة الكشري
هم هذي غريبه فيها مكونات الكشري من عدس وباستامع البصل
لذيذه
meemview4
سلطة الشمندر والعدس
meemview5
فلافل نونووو يشوقون
meemview7
كبه بلبن بطريقه يديده
meemview12
حمص
meemview9
وفي بعد صواني مرتبه تكون للشيرنق فيهم من كل نوع شويه
حتى لفترة الريوق
meemview10
meemview11
مناقيش زعتر
شغل عدل
meemview13
هالشي لا تسألوني شنو بس طبق لذيذذذذذذ لذيذذذذ
meemview14
وهذا شي مدحوه بعد اعتقد كفته
meemview15
كابتشينو
meemview16
هذا شي مينون
جوكليت مونكي
meemview17
بقلاوه ميلفي مع شعر بنات
عجيب
meemview18
وبالاخر طلع رقمي بالسحب وفزت بسله من منتجات كافيه ميم 🙂
meemview19
كافيه ميم في سي ڤيو، بوحليفه
Instagram : @meemcafekw

Page 6 of 699« First...45678...203040...Last »