رحلتي الى قطر – اليوم الاول .. فندق دبليو – كتارا

qatar1day1 من زمان خاطري ازور قطر خصوصا ان مازرتها الا مره وحده قبل ١٠ سنوات تقريبا وقالولي انه انسب فترة بالشتا يكون الجو بارد
للتمشي لانه اغلب الاماكن الحلوه خارجيه
ودام فيها سفره لقطر لازم نمر على دبي هههه
حجزت على الخطوط القطرية من الكويت الى الدوحه وبعدها بوظبي وبعدها سياره لي دبي
اما الفنادق فبصراحه ماقمت اثق في بوكينج خصوصا في دبي يعطونكم سعر وتالي وقت الدفع يضيفون لكم الضرايب ويطلع دبل فالاضمن مكاتب السفريات على الاقل الواحد يعرف اللي له واللي عليه
الاغلب في الانستغرام رشح لي فندق الشعله وللاسف ماحصلت فيه وثاني ترشيح كان لفندق دبليو وتم الحجز فيه بسعر ٨٠ دك الليله بدون ريوق
وصلنا الدوحه بعد ساعه و٢٥ دقيقه طيران والمطار ماشاء الله كبير شحلوه وكل شي سهالات
قبل لانطلع خذيت كرت تلفون فودافون بمبلغ ٥٥ ريال فيه نت ١ قيقا
qatar1day2 وصلنا الفندق وتمت اجراءات الدخول وطلبوا ١٠٠٠ ريال تأمين
على فكره الانترنت بالفندق عليه رسوم مو مجاني 🙁
qatar1day3 هذي الغرفه
qatar1day4 وايد حلوه والسرير مريح وكبير حيل وموفرين فيها كل احتياجاتكم مكينة نسبريسو واوتي وسشوار
بس عيبه الحمام بدون رشاش
qatar1day5qatar1day6qatar1day7 قلنا نتمشى في كتارا وهو حي ثقافي ومكان حيوي جميل على البحر وبعدين نشوف وين نروح

التاكسي قطنا في مكان وبعدين سيارة الغولف تيي تاخذكم مجاناً لي المكان اللي تبونه
وانصدمنا من الجو كان مووووت برد ماتوقعت قلت بما ان قطر يم الامارات فالجو بيكون معتدل لكن طلعت قطر من ربعنا بردها يدخل بالعظم واحنا مو لابسين عدل 🙁
qatar1day8qatar1day9qatar1day10 فقلنا اول شي نجرب چباتي وكرك هاللي هابين فيه ونتدفى بالحليبه وتالي نستكشف المكان
qatar1day11qatar1day12 انصدمت انه منيوهم يحليله بس كرك ونوعين جباتي ساده او بسكر
طلبنا كرك وجباتي ساده
qatar1day13 بصراحه عادي والجباتي ناشف فقرمت قرمتين وماكملت الباجي ماحبيتها
qatar1day14qatar1day15 في معارض ثقافيه كثيره ومطاعم وقهاوي والمكان وايد حلو
بس احس قطر كل شي شغال عندهم بعد العصر اكثر من الصبح
يمكن لانه انا رايحه مو ويك اند وااايد هدوء وكل شي مسكر
qatar1day16 اللوحات التراثية وايد حلوه ومعطية جو للمكان
qatar1day18qatar1day19qatar1day20 بيوت الحمام بكل مكان وحدها تشوق
qatar1day17qatar1day21 على البحر كل شي مسكر حسافه الظاهر مايشتغلون الا بالليل
qatar1day24qatar1day22qatar1day25qatar1day27 قالولي انه في خيام تتأجر على الشاطىء الواحد يقدر يكشت مع اهله واييب اغراضه ويستانس
بس الجو كان برررررد حسافه
qatar1day26 المسرح عجيب
qatar1day23 اخر شي قعدنا في مطعم اسمه سكر باشا
قعدته الخارجية جميله وفتحوا لنا الدفاية وطلبت شوربة عدس كانت خيال
ونصوري طلب حمص وايد عجبه
qatar1day28qatar1day29qatar1day30 تابعوا البوست الثاني وشوفوا وين رحنا بعد كتارا 🙂

Thank You HSG

IMG_4861 وصلتني مجموعة منتجات غذائية متنوعه من شركة حمد سليمان الغانم واولاده
IMG_4860 – Erikli Water
– عصير جهينه
– حليب جهينه
– عبوه من مياه غدير
– Pastaroni Pata
– مربى الرشيدي الميزان
– حلاوة الرشيدي والميزان
– طحينة الرشيدي الميزان
– جنه .. سمن نباتي
– Cereline biscuits
– Filet bleu biscuits
IMG_4863 Tel : 22915588
Instagram @hsgkuwait

This entry was posted in Gifts.

Organique

IMG_4463 وصلتني علبه مرتبه من
Organique
فيها مجموعة منتجات للبشرة والجسم
IMG_4467 ريحة العلبه اول مافتحتها كانت وايد حلوة
واستانست لما شفت الصابون عليه علم الكويت 🙂
IMG_4469 حاطين لي مجموعه من انواع الصابون
ومرطب للشفايف على كرز
وشوقر او سنفره مع زبده للجسم وسيروم على كرانبيري
IMG_4470IMG_4471 Organique is located in The Avenues, Grand Avenue, Entrance 17, first floor
Tel : 22200934
Instagram @Organique.kw

This entry was posted in Beauty.

Squares Cake

IMG_4455 امس بالزوارة اختي كانت يايبه خوش حلو من سكويرز كيك
عباره عن جوكليت شيزكيك عنونات مربعين طعمهم خطير يذوبون بالحلج
وطبقة الككاو خفيفه والبسكوت ترف بسرعه يتفتفت

ماشاء الله العلبه اول مانفتحت طار نصها الكل مدحها
خطيـــــــره
For Order (WhatsApp) : 60744877
Instagram @SquaresCake
IMG_4446IMG_4453IMG_4457IMG_4461

This entry was posted in Food.

احتفال شركة زين للاتصالات وموظفينها بالعيد الوطني ٢٠١٥

1e7997464bbebf8a0ac019fdc6d567bf احتفلت شركة زين بالعيدالوطني يوم الخميس اللي طاف مع موظفينها

احتفال جميل كالعاده بالهواء الطلق وكانوا مسوين مسابقه لاجمل صوره فوتوغرافيه صوروها موظفينهم للكويت
وحاطين لعبة الدامه بس بالحجم الجاينت الكبير ووزعوا علينا حلاو اينن على علم الكويت

وماقصروا كالعاده ببوفيه الحلويات والموالح والنخي
وختامها مع فرقة معيوف المجلي باغانيهم الحلوه
كل فبراير وانتوا وزيـن بخير
IMG_4405IMG_4386IMG_4389IMG_4390IMG_4404IMG_4400IMG_4401IMG_4414IMG_4406IMG_4416

برياني دياي من الدروازة

IMG_4276 وصلتني صينية غدا كامله الاسبوع اللي طاف من
مطعم الدروازه

صينية مرتبه ومغلفه عدل بالنايلون وكل شي بروحه بماعونه المسكر والاكل حاااار
IMG_4266 الطبق الرئيسي كان برياني دياي .. العيش نثري والكمية راهيه وشغل عدل
ومعاه الدقوس وروب بخيار طيب وفريش وماعون خضرا ومعبوج عجيب واچار وتمر ناطع مع هرده وزلابيا فريش لذيذه
IMG_4280IMG_4284IMG_4289IMG_4294 عندهم بعد نظام اشتراكات حق اللي مايعرفون يطبخون او ماعندهم وقت او كنوع من التغيير 🙂
Tel : 22266560
Instagram @Aldirwaza

This entry was posted in Food.
Page 29 of 699« First...1020...2728293031...405060...Last »