Just in Case Bag By DXVIII

DSCN8009 @ByDvxiiii
مشروع يديد عندهم بونشوات عمليه وجناط خام حلوه لترتيب الاغراض الشخصيه في جنطة السفر او للشاليه
وعندهم بعد جنيطه عنونه اسمها
Just in case
مجمعين فيها كل شي تحتاجه البنت للطوارىء بطلعتها كل يوم او للسفر
وعندهم بعد جنطه خاصه لمستلزمات الشباب اللي ممكن يحتاجونها بأي وقت

ماقصروا اهدوني جنطه من جناطهم وهذي الصور للجنطه ومحتوياتها
DSCN8011DSCN8012 دخل الجنطه تحصلون
– مرطب شفاه
– مناديل مبلله
– مناديل تنظيف لعدسات النظاره
– امبولات لتنظيف العين
– مبرد
– چلاليب
– اعواد اذن
– اعواد وخيط لتنظيف الاسنان
– علوچ
– مناديل مزيل صبغ اظافر
– مستلزمات نسائيه
DSCN8015 For Order : 55181977
Instagram @ByDxviii

This entry was posted in General.

كيكة العيد الوطني من واو

IMG_4841 كعادتهم بالمناسبات الجميله
شاركوني واو بالعيد الوطني ودزولي كيكتهم مالت هالسنه
ومعروفين بواو انه كيكهم فناتق اتينن ويتفننون في كل مناسبه

هالسنه الكيكه على ابراج الكويت ومن داخل الكيكه حاطين جهاز ام بي ٣
فيه اغنية وطنية حلوة
حطيت لكم فيديو بانستغرام

الكيكه نصها فانيلا ونصها شوكولاته
حدها اتينن ولذيذه جدا جدا
IMG_4842IMG_4846IMG_4852IMG_4856 شكرا واو كلكم ذوق
Tel : 1827070
Instagram @WowCatering

Thanks BHS

IMG_4880 وصلني بوكس من بي اتش اس فيه اشياء جميله بمناسبة اطلاق تشكيلتهم الجديده لموسم ربيع وصيف ٢٠١٥
بالنسبه للملابس النسائية اختيارهم كان للالوان الفاتحه اللي يطغي عليها اللون الابيض والوان الباستيل
وتصميمهم عمليه بسيطه وناعمه
IMG_4885

This entry was posted in General.

تقرير : مسرحيـة الأطفــال تانيــــا

tania1 تم الانتهاء امس من آخر عروض مسرحية تانيا

كان المفروض اكتب هالبوست من الاسبوع اللي طاف لكن صارت العطلة وانشغلت معاها وكان التواصل معاكم عن طريق الانستغرام والسناب جات
وبصراحه صارت خيره علشان اكتب رايي بعد حضوري المسرحية ٣ مرات !!!

مسرحية تانيا
بطولة : هيا عبدالسلام – فؤاد علي – محمد العلوي – بدر الشعيبي – يوسف الحشاش – فرح الصراف – فهد الصالح وناصر الدوسري
كلمات الاغاني : محمد الشريده
الحان : صهيب العوضي – عادل الفرحان – راكان
ازياء وديكور : صلاح زماني
تأليف : فيصل العبيد
اخراج : يوسف الحشاش
انتاج : شركة سنيار

مسرح الطفل في الكويت له مواسم واهم موسم اهو موسم العيد
لكن الشركه المنتجه سنيار اختارت موعد غير وكانت مجازفه بصراحه كونها اول انتاج مسرحي لهم وكان الاختيار بعد متعمد كون اول عروضهم كانت بالسنه الصينية الجديده
لكن الحمدلله كان الحضور جيد جداً

قبل المسرحية حاشني عارض صحي فما قدرت احضر البروفات ولا قدرت احضر اول جم عرض فكان حضوري ثالث يوم

نجاح اي عمل فني يعتمد على موهبة الفنانين والقصه الجميله البسيطه وجذب انتباه الطفل عن طريق الابهار والالحان وخفة الممثل على المسرح
واكيد كل هذا يكتمل مع الانتاج الجزيل
ما اتكلم عن سنيار كونهم من اروع اصدقائي اتكلم من منطلق محب للفن وكوني كنت مشرفه فنيه لسنوات عديده في بعض المنتديات الفنيه الرسميه
اضافه الى كل هذا دراستي كان لها دور ايضا

بصراحه اول ماعرفت انه المسرحية ثيم صيني قلت في قلبي ليش ؟ وماظن راح تشد الناس وحسيت انه حتى انا احتمال ما تشدني
لكن اول ما وصلت صوب المسرح ودخلت قلت شنو هذا !!

اول شي حاطين بوثات مرتبه عند الباب لبيع المأكولات الخفيفه ومطعم متخصص ببيع الاكل الصيني علشان يكمل الثيم وبوث لبيع التذكارات واغاني المسرحية وتسليم الصور
tania2 اول مادخلنا المسرح شفنا الثيم الصيني بالديكور
tania3 الاضاءة الصينيه وحتى الكراسي كانت ملبسه على الثيم الصيني !
ماشفت احد بصراحه مهتم بتفاصيل دقيقه جذي من قبل
tania4tania5 ديكور المسرحيه واللازياء كانت خطيره صلاح زماني ابدع
صلاح اعرفه من فتره وادري انه تبارك الرحمن شغله اينن ومتعوب عليه

المكياج انصدمت شلون عبدالعزيز الجريب اتقن رسم العيون على رسم الحواجب على الطريقه الصينيه
مبدع الجريب ومو غريبه عليه بعد ماشفت شغله في مسرحية مدينة الزنوج

الشعر وطريقة الكبة الصينيه والعجايف خطيرين

بالاستراحه ذكروني بمسرحياتنا اول لما يمر واحد يبيع ورود علشان نعطيهم الممثلين نهاية المسرحية 🙂 ياحلو الثمانينات والله رديتونا لها بحركه بسيطه جميله
tania6 القصه بسيطه وسلسه غير معقده واعتقد هالشي صار بعد دراسه علشان الاطفال بجميع الاعمار يفهمونها ويستمتعون بمشاهدتها ويصل الهدف المعني منه الا وهو حب الوطن والدفاع عنه وان الخير هو الذي يفوز يالنهاية

تبدأ المسرحية بتتويج الاميرة تانيا (هيا عبدالسلام) مقاليد الحكم في امبراطورية كوانغ الصينيه واثناء الاحتفال تهجم عصابة زاي المتمثلة برئيسها سانشو (فؤاد علي) ونوشي (فرح الصراف) ويونغان (بدر الشعيبي ) وباندان (يوسف الحشاش) على المدينه لتستولي على مقاليد الحكم فتهرب الاميره تانيا مع الوصي عليها غوغواي (محمد العلوي) من القصر وتتقمص شخصية داميان بزي السكان العاديين في كوانغ لتختلط بالشعب وتبث الحماس فيهم للقضاء على عصابة زاي
tania7tania9tania8tania10 عصابة زاي
tania11tania12 ومع الاحداث اللي تصير يلتقي سانشو بداميون ويعجب فيها لما يشوف دفاعها عن شعب كوانغ واخلاقها الجميله
قبل لايعرف انها الاميره تانيا
tania13 لفت نظري على المسرح فنانين شباب بصراحه اول مره اعرفهم
فهد الصالح هالولد خف طينه اسم الله عليه عنونو وفيه طاقه ماشاء الله
وناصر الدوسري هم خفه وحضور
tania14tania22 يوسف الحشاش تابعته بكذا مسلسل بكل صراحه مالفت نظري
هالمسرحية من اول دخول له تبدلت فكرتي عنه كلش
خفه ولياقه واداء وخف طينه ماشاء الله
وايد صدمني برافو عليك مو بس كممثل كمخرج وكإنسان بعد
tania15 فروحه الصراف كانت هادية وخامه شبابيه جميله بأدائها الهادي
بس مو بس على المسرح حتى بالكواليس اهدى وحده ههههه

بدر الشعيبي ماقدر اتكلم عنه طاقه جباره من يوم اهو عنونو والله ليلحين انا اشوفه عنونو الله يوفقه 🙂
tania16 الاغاني كانت روعه كلمات والحان الى درجة لزقت بلسان اليهال وحتى الكبار
خصوصا الاغنيه اللي جمعت بين هيا وفؤاد
اسمها شوف السما

شوف السما مد النظر
شوف النجوم ويا القمر
في العالي تلقاني من صرت تهواني بالمختصر

وانا معاك احساسي غير
والدنيا حب اشواق وخير
واصل انا في الحب الى سابع سما وجني طير

انت الهوى وانت الضوى
واصل هواك لي مستوى راقي وخذاني له اسير

وياك احس معنى الامان عمري تغير فيك وزان
والفرح فيني توه حان يا حب باقي للاخير
في كلمتي في بسمتي حتى بعد في نظرتي
حبك ترى خلاني غير

سمعوها وايد حلوه

tania17tania18tania19tania20tania21 راقصات صينيات حضروا خصيصا لاداء رقصاتهم الصينيه في المسرحية
tania23 النهاية كانت بمعرفة باقي افراد عصابة زاي بحب سانشو لداميان وملاحقتها ليتم اكتشاف وشم الاماره على ذراعها
وانها الاميره تانيا نفسها
وبهاللحظة يصحى سانشو من الغفله ويدافع عنها امام عصابته وسكان امبراطورية كوانغ ليفوز الخير على الشر وتنتهي المسرحية بزواج سانشو والاميره تانيا
tania24tania25tania26 باك ستيج او الكواليس
شي ما شافوه الجمهور هو روح الاسره الوحده
الانتاج والديكور والمصورين والممثلين والمكياج شي عجيب

والد هيا عبدالسلام كل يوم تقريبا موجود يدعم بنته بحب
حرص سنيار على دعوه نجوم كبار لحضور العمل مثل عبدالعزيز المسلم وطارق العلي والهام الفضاله وختامها مسك بالكبير بوبدر سعد الفرج الله يطول بعمره
وجود الاستاذه غدير السبتي ودعمها للشباب المشاركين بالمسرحية

حبيت وايد تكريم الفنان محمد العلوي في العيد الوطني كإبن احد شهداء الكويت الابرار كون والده رحمه الله قائد مجموعة المسيلة
والذي استشهد في بيت القرين

صور الفنانين في الكواليس
tania27tania28 هيا من الفنانات اللي حبيتهم اكثر بعد ماقعدت معاها في الكواليس
قمة الادب والنفس الحلوه
tania29tania30tania33tania32tania31 لانكم قروب حلوين كان لازم نحلي معاكم 🙂
tania34 شكرا سنيار قدمتوا لنا عمل مسرحي رائع ذو قيمه .. بانتظار الجديد والاجمل منكم دائماً

السلام مـول في السالمية

salam1
من فتره سمعت عن افتتاح السلام مول قصيره وامس رحت له
اهو مجمع يديد في السالميه بالتحديد صوب السالمية القديمه شارع سالم المبارك مكان ككاوة هيرشيز العملاقه تذكرونها ؟ 😀

المول مرتب وتصميمه حلو وشرح ويتكون من ٥ طوابق
في مجموعه محلات معروفه مثل نيو لوك وريفا وايكونيك ونظارات حسن وكروكس وغيرها اضافه الى لولو هايبر ومنطقه خاصه للالعاب ومقاهي

ليلحين في وايد محلات مافتحت بس عموما المجمع ونيس
salam2salam3salam4salam5salam6salam7salam8salam9salam10salam11

This entry was posted in Kuwait.

رحلتي الى قطر – اليوم الاول .. معرض مال لوّل – فيلاجيو مول

qatar1day31 بعدها رحنا معرض مال لّول مدحوه لي فولورز قطر في الانستغرام ياحلوهم وكان صج مكان جميل يستحق الزياره وموجود الى تاريخ ٢١ مارس ٢٠١٥

يحمل تعبير “مال لوٌل” باللهجة القطرية معنى “من أيام زمان”، وهو يشير هنا إلى أحد المعارض التي تمّ تنظيمها في 2012. وتم خلال هذا المعرض دعوة الجميع في قطر للمشاركة بعرض القطع والمقتنيات التي تركت تأثيراً وصدى لديهم خلال حياتهم. وشملت المقتنيات التحف والحلي والكنوز المعاصرة والفن القطري. كما شكلت مساهمات المجتمع المحلي معرضا رائعاً وفريداً، هو الأول من نوعه في المنطقة.

ومثّل هذا المعرض شغف أفراد المجتمع واهتمامهم بالتراث ، سواء جامعي المقتنيات المُحترفين أو الهواة المتحمسين. وقد فتح هذا المشروع المجال أمام الشباب للتعرف على الماضي وسمح لأفراد المجتمع المحلي بالتألق جماعيا

هذي دعايتهم

اول ماتدخلون تلقون محلات صغيره فيها معروضات جميله للبيع
qatar1day32qatar1day33 محل بهارات
qatar1day34qatar1day35 محل تيشيرتات وفناتق اتشوووق
qatar1day36qatar1day37qatar1day38qatar1day39 الدكان عجيب كله اكل مال اول منقينه نقوه
qatar1day40qatar1day41 اما المعرض فمقسم بشكل جميل ومعروض فيه اشياء كثيره قديمة من ملابس والكترونيات والعاب وسلاح وعملات ومخطوطات وغيرها
ماقدرت اصور كل شي بصراحه لانه الاغراض وايد بس خذيت لكم جم صوره واهم ابلغ من الكلام
qatar1day42qatar1day43qatar1day44qatar1day45qatar1day46 ثوب كويتي
qatar1day47qatar1day48qatar1day49qatar1day50qatar1day51qatar1day52qatar1day53qatar1day54qatar1day55qatar1day56qatar1day57 وحاطين قهوة بالمعرض تشوق القعدات خطيرة چنهم صناديق مبيته وايد حبيت طريقة الديكور والمنيو كله اكل تقليدي قطري
IMG_2962IMG_2965IMG_2966IMG_2968 طلبت چاي نعناع وكرك لنصوري
IMG_2972IMG_2984 وهذا بثيث اكله قطرية
فيها طحين وتمر وهيل
شوي ناشفه ماحبيتها
IMG_2975 وهذي طريقة تقديم الفاتوره
IMG_2990 وتمشينا لي بره في مكان مخصص للمشاريع الغذائية القطرية المختلفه وقعدات مسوينها بطريقة حلوة على استكانات چاي
يبيعون بعض الاكلات التراثية مثل الهريس والجريش وغيرها
IMG_2994IMG_2998IMG_2997IMG_2999IMG_3001IMG_3003 الشعله
qatar1day58 بعد المعرض انطلقنا الى مجمع ڤيلاجيو
المجمع يعتبر الاكبر في قطر
تصميمه جميل جدا
لكن بالنسبه لي اول مادخلت حسيت بقمته مادري احتمال من رطوبة النهر كون المكان مغلق مو مفتوح
qatar1day59qatar1day60qatar1day61qatar1day62 المجمع فيه سينما وصالة تزلج ومقاهي ومطاعم متنوعه
qatar1day63qatar1day64 قسم الماركات العالمية
qatar1day65qatar1day66qatar1day67 وهذا اول يوم وشلون قضيناه في قطر 🙂
انتظروا اليوم الثاني

Page 28 of 699« First...1020...2627282930...405060...Last »