Review : Amwaj Rotana Hotel .. Dubai

amwajrotana1
من متع السفر عندي تجربة الفنادق سواء الفخمه او العاديه
احب اقارن واشوف شنو المميز بكل فندق اقعد فيه
هالسفره ماكانت موفقه وايد خصوصاً بالنسبه للانترنت
جربت هالمره فندقين اول مره اقعد فيهم

الاول مروج روتانا في الجي بي ار
الفندق مكانه وايد حلو وكل شي حواليكم من مطاعم وقهاوي وشاطيء اينن

الاستقبال كان ممتاز وضيافه ماي وقهوه بس نطروني مايقارب ساعه الا ربع على ما جهزت الغرفه
الانترنت مجاني فقط في اللوبي
تبي انترنت بالغرفه ادفع

شي يديد يطبق الان في فنادق دبي وهو دفع ضريبه اضافيه باليوم ٢٠ درهم لفنادق ال٥ نجوم و١٥ درهم ل٤ نجوم و١٠ دراهم عن بو٣ نجوم
وهالمبلغ تدفعه عن كل ليله وعليكم الحساب

غرفتنا كانت ديلوكس بقيمه ٩٥ دك الليله حجزتها عن طريق مكتب سفريات
اذا بتسئلون ليش ما احجز عن طريق بوكينق جربت جم مره لكن الضرايب في دبي عاليه يقولك ٢٠٠ دك ولما تيي بتدفع تنقلب فوق ال٤٠٠ عااااادي
علشان جذي قمت احجز عن طريق السفريات على الاقل ما اشيل هم جم بدفع هناك
amwajrotana2
الغرفه زينه وحجمها حلو والسرير مريح ويوفرون الماي بشكل يومي كهديه من الفندق لكن العيب الوحيد مكرم السامع الحمام مافيه رشاش للبديه 🙁
amwajrotana3amwajrotana4amwajrotana5amwajrotana7
فيو غرفتنا
amwajrotana6
الخدمات المقدمه مع الاقامه هي الجيم وحمام السباحه ويوفرون لكم شمسيه وفوط وجنطه ومفرش شاطيء وثلاجه صغيره للمشروبات مع الماي اذا بتروحون الشاطيء
وعندهم ممر او جسر من صوب حمام السباحه وتنزلون منه بالاصنصير لي الشارع يعني ماتمرون بالرسبشن واللوبي اذا بتروحون البحر او ترجعون

الريوق بوفيه مفتوح
amwajrotana8
واذا عندكم يهال بتلقون بغرفتكم هالاشياء 🙂
amwajrotana9
لتفاصيل اكثر عن الفندق – اضغط هـنــا

إعلان شركة زين لشهر رمضان ٢٠١٥


حملة رمضانيه انسانيه اطلقتها زين لشهر رمضان المبارك لتدخل الفرحه على من حرموا منها وشردوا من ديارهم
شارك في هذا العمل ١٠ فنانين من بلدان عربيه مختلفه
١- بشار الشطي
٢- نوال
٣- احمد الجميري
٤- عبادي الجوهر
٥- عمر العبدالات
٦- قصي خضر
٧- وليد الشامي
٨- كارول سماحه
٩- اسماء لمنور
١٠- كمال ترباس

كلمات : هبه مشاري حماده
الحان : بشار الشطي

This entry was posted in YouTube.

تغطية : معرض سكر رمضان في ٣٦٠ مول


تمت دعوتي لحضور معرض سكر رمضان في ٣٦٠ مول
واللي كل سنه يسوونه ويشتركون فيه محلات الحلويات علشان يعرفونا على اخر منتجاتهم وجديدهم للشهر الفضيل
اول شي وبالويه كان لازورد مع لادوريه



بعدها بوث ٢١ كاروتس ومنزلين وايد اشياء يديده
جربنا شي على تمر وايد طيب





ستاربكس وبينك بيري في ٣٦٠ مول .. خطوه حلوة نتمنى نشوف لهم مكان ثابت

شاتو دو غاتو منزلين كولكشن جوكليت شغل عدل
جربت قطعه على قهوه وهيل كانت واو


الكب كيك يشووووق عند شوقر ارت

  
دايت كير منزلين خوش ماكرون طعمه طيب

هالبوث عندهم خوش استكانات وفناجين وحبيت البوكسات بعد حق هدايا رمضان


اوبرا هم تشكيلتهم وايد حلوه


انجيلاتوو بوثهم خطير والاشياء نتيفات يشوقون
وجربت الايس كريم عندهم بنكهة اللافندر والمانجا لذيذ

      
وجم صوره من باقي البوثات





المعرض وايد حلو واللي وده يجهز شي لمسايير رمضان ترى عندهم وايد اشياء حلوة
المعرض لي تاريخ ١٢ يونيو من ١٠ ص الى ١٠ م
Instagram @Sukar_Group

Warwick Hotel .. Dubai

warwick1 بآخر سفرة لدبي قعدت في فندق ورويك
بعد ما مدحه لي موظف السفريات وقالي انه فاتح من جم شهر بدبي

انا كنت مجربته في فرنسا وجنيف بس اول مره في دبي

حزتها ما لقيت غرفه عاديه فخذيت جناح عادي بقيمه ٩٠ دينار الليله

اللي يميز الفندق انه بشارع الشيخ زايد ويمه وايد اماكن مثل ستاربكس ومطعم زاروب وسوبرماركت وونديز وغيره
والتكاسي متوفره يعني ماننطر بس نطلع من باب الفندق التكاسي موجوده

لما وصلت كان زحمه عند الريسبشن وماشاء الله وايد ناس تسوي جيك ان وجيك اوت فاضطرينا ننطر بو ١٠ دقايق
واستقبالهم كان حلو وقدمولي ابقريد وعطوني الجناح الاكبر

مشكلتهم بس الاصانصيرات مع انهم ٦ بس وايد بطيئين كل ماوصلنا ننطر شكثر على مايوصلنا اصانصير
وبالنزله هم ننطر اكثر
كان دورنا بالعشرينات اذا ماني غلطانه علشان جذي ننطر اكثر بعد
warwick2 الجناح راهي ونظيف بصراحه وشغل عدل
ماعندي اي ملاحظه عليهم
الفندق وايد زين وعادي ارجع له مره ثانيه بس اقولهم يعطوني غرفه في اول ١٠ ادوار

هذي الصاله مع طاوله الاكل
warwick3warwick4warwick5 وفيه تكرمون حمام صغير تبع الصاله
وهذي الغرفه راهيه مع حمامها وايد كبير
warwick8warwick6warwick7warwick9 Address: Sheikh Zayed Road,DIFC,Near DIFC metro Station
Phone:+9714506 9999
Link

Page 19 of 699« First...10...1718192021...304050...Last »