Fyonka Sweets

fyonka1 الاسبوع اللي فات مريت محل حلويات يديد اسمه فيونكا
عندهم ككاو راقي واكثر من ٤٠ نوع حلو قهوة
fyonka2 ضيفوني بكذا نوع مع القهوه الطيبه وكل شي كان عندهم لذيذ بس في شي مميز اول مره اجربه بمحلات الحلويات
شوفوا هالجم صوره تالي احط لكم صورة للنوع المميز 🙂
fyonka3 fyonka4
fyonka5 النوع اللي استغربت منه كان حلو قهوه على عصيده !!!
اي والله عصيده تصدقون هههه
انا خبري العصيده يبيعونها بعض البيوت بجديرها وفوقها البيض
بس ماتوقعت تكون حشوه داخل ككاوه 🙂

بس طعمها حلووو
شوفوها من داخل وشوفوا الملونين اللي وراها هذا شكلها اليديد اللي بينزلونه قريبا وتقدرون تغيرون بالالوان حسب المناسبه اللي عندكم
fyonka6 هذي علبهم العاديه .. نازكين
fyonka7 وعندهم علب وايد للمناسبات
انا حبيت هالاثنين ذربين
fyonka8 وهذي بعض الككاوات المغلفه الجاهزه المعروضه بالمحل
fyonka9
fyonka10 للولادات
fyonka11 fyonka12 وكانوا بقمة الذوق ومجهزين لي شي مرتب وردي بوردي 🙂
fyonka13
fyonka14 فيونكا في حولي .. مجمع نايف، شارع بيروت، بجانب مستشفى دار الشفاء
Tel: 22645835
Instagram @Fyonkakw

LG Pocket Printer

pocketprinter1 هالبرنتر وصلتني هدية من صديقتي الحبيبه جاكي بعيدميلادي ووايد استانست عليها اتينن وعنونه
نزلتها بسناب چات ووايد سألوني عنها وماشاء الله اغلب المواقع الكويتيه صار عليها سولد اوت

انا نزلتها من اكثر من شهر بالسناب ولي اليوم يسألوني عنها علشان جذي قلت احط بوست علشان الكل يستفيد
pocketprinter2 البرنتر كبر چف الايد تقريبا وفي منها اكثر من لون
وهم الصور ترى ينطبعون عنونات مو حجم الصوره العادي
احلى شي فيها انه لما تشترون الاوراق للطباعه ماتحتاجون حبر يعني الورق والحبر يميع
pocketprinter3 تنزلون تطبيق مخصص لها سواء على الايفون او نظام الاندرويد وموجود اسم البرنامج في دفتر التعليمات معاها
تشبكون على البلوتوث وتدخلون البرنامج تنقون الصوره وتقدرون تعدلون على الوانها من خلال التطبيق الخاص فيها وتالي تطبعونها
pocketprinter4 هذا فيديو عنها

سويت سيرج على المواقع الكويتيه اللي متوفره عندهم البرنتر حاليا ومالقيت الا بلينك
Link

Review : Baneetza

Baneetza1 وصلتني اليوم نقصه من مطعم بانيتزا
متخصصين بفطاير من شرق اوربا
Baneetza2 شكلهم مدور يشبه نوع من انواع الجوروز
والطعم غريب يشبهه المشلتت والجباتي
اللي يحب هالاثنين بتيوز له الفطاير

اول نوع على بيتزا
Baneetza3 حلوم
Baneetza4 دياي مشوي
Baneetza5 موزاريلا مكس
اكثر وحده عجبتني
Baneetza6 سينابون مع كريم
Baneetza7 لوتس مع الكريم
لذيذ
Baneetza8 Tel : 60656090 – 22451145
Instagram @Baneetza

This entry was posted in Food.

مكياج كومار !

komar1 بيمعتنا قبل چم اسبوع كان ضايق خلقنا نبي شي يديد فقلنا ندق على واحد من اللي يبيعون ميك اب
ساعات يصير عندهم حُمر وكحل حلو

دورت في قوقل وماقصر طلعلي لسته ارقام ههههه دقيت على اول واحد فيهم
واشوه قال اييكم بعد ساعه
komar2 ماكنت بحط بوست عن هالموضوع
بس لي اليوم بسناب چات يقولون لي عفيه نبي رقم كومار !!
مع اني ما مدحته مو علشان بضاعته مو زينه بس نفسه شينه وخايف على اغراضه مايطلع لنا شي الا بالقطاره
مادري بايقين اغراضه من قبل ومقروض خايف عليهم

قشه شكثر بس فچ جنطه وحده ويعطينا شي شي بصراحه ما شفنا كل شي مشيناه بسرعه

بالنسبه لي شريت بس حمرتين مس اند مسز ووايد الوانهم حلوه

اما كومار فمابي اقطع رزقه علشان جذي بحط رقمه للي طلبوه علشان مو كل شوي احد يدش علي بالسناب يبيه
komar3 كومار 66281146

This entry was posted in Beauty.

VOL.1 Cafe

vol1 كافيه يديد فتح من فتره بالكويت تحديداً بالديره
ڤوليوم١
متخصص بأنواع القهوه الفاخره وعندهم ٣ انواع مختلفه القوة من القهوه المحضره بطريقة البخار او التقطير اضافه الى باقي انواع القهوه مع الحليب
vol2 مكان صغير بطريقة ديكور مختلفه عن باقي الكافيهات
vol3vol4 وعندهم سناكس هيلثي مختلفه بعد
vol5 ماشاء الله المنيو عامر بأنواع وأنواع من القهوه
vol6
vol7 جربت السولتد براوني عجيبه وترفه
vol8 طلبي كان
Cereal Latte
بالنسبه لي وايد حبيته وفكرة الكورن فليكس كتوبينغ وايد تشد 🙂
vol9 Vol.1 located in Sharq, Kuwait City, near Al-Kawakeb Deseret
Instagram @Vol_1Kuwait

Grand Cinema Event

GrandGate1 وصلتني بطاقه دعوه مع كرت ڤي اي پي من غراند سينما
بمناسبه افتتاح ثاني سينما لهم في ذا قيت مول بالعقيله

GrandGate2 السينما كبيره وغير عن اللي في الحمرا
تلقونها بالضبط يم ديب ان ديب

السينما فيها ٩ صالات عرض ومن ضمنهم وحده ڤي اي پي
GrandGate3 صور جماعيه قبل الفيلم
GrandGate4
GrandGate5
GrandGate6 صاله رقم ١
GrandGate7 دخلنا الصاله وماقصروا وزعوا علينا بوب كورن ومنزلين بوب كورن يديد اسمه اير بوب كورن خالي من الزيت ومتوفر بنوعين ملح وجبن
GrandGate8
GrandGate9
GrandGate10 فيلمنا
The Man from Uncle
GrandGate11 شكرا غراند سينما

Page 14 of 699« First...1213141516...203040...Last »