Fatoma’s Baby Shower !

babyshf1 الاسبوع اللي طاف كان عيدميلاد اختي فطومه وهم ولادتها قربت ربي يسهل عليها فقلنا نسوي بيبي شاور صغير ونحتفل بعيدميلادها مره وحده
نزلت صور وفيديو على اكاونت البلوق في سناب جات
ووايد ياتني اسئلة واستفسارات
وحتى وانا ادور فناتق للبيبي شاور اللي فادني المواقع الاجنبيه فقط كون هالشي مستحدث عندنا
فقلت احط بوست كامل مع التفاصيل علشان يستفيد الجميع

ونبدا من اول شي
مكرم السامع الدواسه خذيتها من مركز سلطان السالميه
وحطيناها عند باب المدخل
babyshf2 في اشياء حسافه ما صورتهم الا فيديو وما انتبهت انه ماكو صور الا الحين لما كتبت البوست 🙁
الباب من بره زيناه في بانر ومن داخل علقنا عليه هدوم عنونه للبيبي ودلاقات واستخدمنا المشابك ملوت الغسيل للتعليق
من ضمن اللي علقتهم كبابيس صغار خذيتهم من سوق شعبي بالري اسمه قصر السلطان مكتوب عليهم عبارات بحبك يا ماما و بحبك يا بابا وغيرها

اما الكيكه فكانت على شكل بطن الحامل وطبعة المولود
خذيناها من هالاكاونت بالانستغرام
@Cake_Artist
babyshf3 كيكة عيدالميلاد عباره عن لوتس كرسبي عجيبه ولذيذذذذذه
من هالاكاونت
@Nena_sweets_kw
babyshf4 الجياس خذيتهم من محل لابوسا في برج جاسم السرداب
وحطيت داخلهم كوكيز وزينتهم بستيكرات شريتهم من لاكشيت بحولي
وحطيت على كل جيس اسم الحاضرين
babyshf5 الماي والڤيمتو النونو وشعر البنات والنفيش وجياس مكسرات وسويت بچارز وجيلي ولوحات صغيره للمناسبه مع بانر
من هالاكاونت
@_party_box_
babyshf6
babyshf7 هالفريم سويته عند محل يديد في الشويخ متخصص في مستلزمات الحفلات
اسمه بارتي بوكس في شارع التمور
صممولي اياه على حسب طلبي والجمله اللي ابيها
وخلصوها بالموعد
طلبوها من ياسر وايد محترم وشغله مضبوط

وهم خذيت منها بانرات وبعض الالعاب الخاصه بالبيبي شاور بصراحه عندهم تشكيله كبيره وحلوه لهالمناسبه للبنات والاولاد
babyshf8 وهذي الهدايا حطيناها على جنب
البوكس اللي مكتوب عليه هابي بيرثداي سويته عند نفس المحل اللي بشويخ
babyshf9 Mom to be
شريته من نفس المحل اللي في برج جاسم ولبسناها اول مادخلت البيت
babyshf10 الحين نيي للالعاب
بصراحه اسهل شي كان في بالي اني اسوي سيرج واشوه لقيت جم شغله بمواقع اجنبيه استفدت منهم وحولتهم عربي 🙂
وفي العاب شريتهم جاهزين من محل بارتي بوكس

اول شي دورت رسمه لصورة وحده بتولد ههههه وحطيت فوقها مكان يكتبون فيه تعليق يضحك
واخر شي الحامل اهي اللي تنقي التعليق الفايز
ابداعاااات
babyshf11 مسابقة الحفاظات هههه
شريت اوراق كريشه وجلاليب كبار
واحسن وحده تسوي حفاظه مرتبه تفوز
babyshf12 لعبة حفاظات الحظ شريتها من بارتي بوكس
كلهم فاضين من داخل الا وحده فيها ………
لووووووول
طبعا اللي لقت هالشي فازت
babyshf13

لعبة المصاصه
هم من بارتي بوكس
بانر على ياهل ومعاها مصاصه لازم تغطون عين اللي بتلعب وتشوفون وين تحط المصاصه
اللي تحطها على حلج الياهل تفوز
babyshf14
كل واحد ياخذ ورقه ويكتب الاغراض اللي احتمال تكون شرتها الام قبل ولادة الياهل
وعاد الام تشوف الاوراق وتصحح هههههه
واللي كتب اكثر اغراض صح يفوز
babyshf15 لعبة الطين بعد ونيسه بس يبيلها فنانات 🙂
والام تحدد الفايز
babyshf16
babyshf17 سوينا بعد لعبة ممية الحلاو بس حسابه نسيت اصورها
مميه موجوده بالجمعيات فيها حلاو بودر
اسرع واحد يخلصها له هديه ههههه مساكين انغثوا

والحين من سكتش الام
احسن واحد يرسم فطومه يفوز
🙂
هالصوره طلعتها من النت وطبعتها جاهزه
babyshf21 بدعوا البنات بالرسم
babyshf19
babyshf20 وهالامنيات حق البيبي 🙂
وهم ما نخلص من الابداع والاشياء اللي تضحك
babyshf18 الاكل كان كيتيرينج صاج حده عجيب
@house_party_q8
ماشاء الله صاجهم خفيف وحشواته متنوعه ونظاف ومرتبين
babyshf23 طبعاً فكره الفريم اللي سويته فوق كانت لاني حاطه في بالي اسوي شغله للذكرى نفس الايفنتات اللي كنا نحضرها
فجهزت البوكت برنتر اللي كنت كاتبه عنها من قبل بوست وتطبع الصور من التلفون سيدا
وجهزت فريمات ورق مقوى هم لقيتها في الانترنت لكني ضفت لها لمساتي مثل الياهل والكلام
وحددت حجم المكان الفاضي علشان اقدر الزق فيه الصوره اللي باخذها للبنات 🙂
وكان بهالشكل
babyshf22 وهالبالونات خذيتهم من سوق قصر السلطان ووديتهم محل العاب تفخوهم لي وزينوهم بالشرايط ووزعتهم في البيت
واخر الحفله فطومه طيرتهم بالسما 🙂
babyshf24 الله يسهل عليج يا وخيتي ويرزقج بالطفل الكامل السليم المعافى ويجعله من الذريه الصالحه يارب

FENDI’s ABCharms

FENDI-Low-ABCharms_digital-PRE

FENDI introduces the ABCharms, a set of alphabet fur charms that is this season’s “must-have” gift .
Following hot on heels of the iconic successful FENDI Bag Bug lucky charms , the ABCharms are twenty-six colorful pompoms, each personalized with an individual letter, in cool and fresh color combinations, on each soft charm.

Created entirely in fox fur, the ABCharms are completely hand-made by FENDI artisans, perfectly embodying the Maison’s philosophy and focus towards detail and craftsmanship also for small accessories.
Add a touch of color by choosing your letter or pair the charms to compose your initials… either way the ABCharms will make everything more fun and personal!!!

Exclusively available on fendi.com and in Fendi boutiques worldwide.

فيندي مبدع باكسسوارات الجناط خصوصا بالجارم الفور
واخر هالابداعات كور الفورير اللي على احرف
26 حرف بألوان مختلفه اتينن

أي لون حرفكم ؟ 🙂

Starbucks New Evenings Menu !

steve1 تمت دعوتي لحضور ايفنت التذوق للمنيو المسائي الجديد في ستاربكس

المنيو راح يكون متوفر يوم الاربعاء ٩ ديسمبر في ١٠ افرع راح اذكرهم اخر البوست
و١٠ افرع اخرى بتاريخ ١٦ ديسمبر

بدايه كانت مع مشروب جديد ماتوقعته جذي لذيذ
Black tea Lemonade
شي عجيب ويسرسح
steve2 ومع موسيقى جميله
steve3 جربنا ايضا القهوه اليديده الخاصه بفترة الاعياد
Holiday Blend
steve4 وصار وقت التذوق وتقييم الاطباق الجديده
اول طبق كان جبار
سلطة الكينوا الحمرا مع جبن الماعز والشمندر والجرجير والطماط مع الصنوبر والبلسميك بالعسل
شي شي
steve5 حمص ومتبل ومحمره
تتخيلون تاكلونهم في ستاربكس ؟
صارت ههههه
ولذيذين بعد ويقدمونهم مع الفلات بريد مقرمش
steve6 قطع جبن حلوم مشوي بنكهة الهيل
انا عموماً احب الحلوم بس ما حسيت بالهيل
تتقدم مع صلصتين البيستو والفلفل الاحمر
steve7 فلات بريد زيتون كلاماتا اسود مع جبنه الماعز والطماط المجفف والبيستو
حلوه للي يحب الحموضه 🙂
steve9 فلات بريد الدجاج المشوي بالاعشاب والفلفل الاحمر والفطر مع جبنة الموزريلا
لذيذه وخفيفه
steve8 ترافل ماك اند جيز
باستا مع صلصة ترافل فوندو كريميه مع البقسماط بالاعشاب وجبن البارميزان
steve10 اما للي يحبون الحلو فمنزلين طبق ثلاثي فيه بودنغ جوكليت وتارت بيكان وتارت توت
كلهم طيبين
steve11
steve12 والطبق الاخير كان كريب موز ونوتيلا لذيذ
steve13 يوم الاربعاء ٩ ديسمبر بيكون متوفر المنيو في مشرف – العديليه – ديڤون – السالميه (مارينا كرسنت و مارينا مول) – سوق شرق – الافنيوز (فرست افنيو الارضي – غراند افنيو في الفرعين)

يوم الاربعاء ١٦ ديسمبر بيكون متوفر في ١٠ فروع اضافيه هي المطار – البدع – الكوت – جمعية الاندلس – بلازا حولي – منتجع هيلتون المنقف – الصالحيه – جمعية سلوى – سدره في المهبوله

Review : Burger & Lobster

bl1 تمت دعوتي لتجربة مطعم برجر اند لوبستر في الافنيوز
المطعم مشهور في لندن وهذا اول فرع له بالكويت بالغراند افنيو فوق يم مطعم فيغز
bl2 كاتبين منيوهم الاساسي على هاللوحه باستثناد المشروبات والحلويات طبعا

عندهم ٣ اطباق
البرجر
اللوبستر رول
اللوبستر الكامل

وعندهم وجبه او كومبو عباره عن صينيه فيها كل ما سبق
واذا كنتوا شخصين يقدرون يقسمونها على صينيتين مثل ما سوينا
bl3 اول ما تقعدون يعطونكم المريله والمقص اللي حق اللوبستر
bl4 طلبنا بيري بيري واهو مشروب مثل الموهيتو على انواع التوت
ونوع اخر موهيتو عباره عن فاكهة الليتشي والزنجبيل
bl5 وهذي الوجبة
مع سلطه الجرجير العجيبه والفرايز
bl6 برجر ستيك بقري مشوي مع الجبن والبيكن البقري
ممتازه للناس اللي يحبون البرجر الثقيل لانه حجم البرجر ماشاء الله عوده
انا ما اميل لهالنوع احب البرجر الضعيف
bl7 اللوبستر شي خيال
تقدرون تختارونه مطبوخ على البخار او مشوي
احنا اخترنا مشوي مع صلصة زبدة بالثوم والليمون
كانت شي ماينوصف من اللذاذه
bl8 اللوبستر رول
لحم لوبستر بارد مع صلصة مايونيز يابانيه خفيفه مقدمينه بخبز بريوش
ناس وايد مدحته بس انا ما مو موديلي
bl9 وصار وقت الحلو
عندهم ٣ انواع
برجر ماكرون و ديث باي جوكليت وميليفيه

برجر ماكرون عباره عن ماكرون وحشوة فواكهه ومربى
bl10
bl11

ديث باي جوكليت
عباره عن كيك ومجموعه مختلفه من الجوكليت والكراميل
وحتى اللوبستره ككاوه مع كراميل
bl12
bl13 Instagram @BurgerAndLobsterKuwait
Tel : 22200954

Review : SPAradise Spa & Beauty Lounge

sparadise1 امس كانت لي تجربه في مكان يديد
سبا وصالون سبارادايس في الشعب البحري
مكان هاااادي وريحة السبا فيه اتينن
عندهم مساجات مختلفه مثل المساج التايلندي ومساج الاحجار الحاره وكمادات الاعشاب الدافئه حتى للحوامل
مانسوهم ولهم مساج خاص

ماجربت المساج بس ان شاء الله على يوم اروح اتدلع واسترخي عندهم لأنه وايد عجبني المكان

صور من القسم الخاص بالسبا
sparadise2
sparadise3
sparadise4
sparadise5
sparadise6 القسم الخاص بالصالون
هذي جهة العنايه بالاظافر
مكان مرتب وعندهم انواع والوان جديده من اصباغ الاظافر والعلاجات المختلفه
جربت سويت مانيكير عندهم شغلهم مرتب ونظيف
sparadise7
sparadise8
sparadise9
sparadise10 عدة شغلهم كل شي مرتب ومعقم
sparadise11 منيو المشروبات نزاكه
sparadise12
sparadise13 وعلاجات مختلفه للشعر مثل الكافيار للشعر الجاف يعطيه حيويه ولمعان وزيت الارجان يعالج التقصف ويعطي لمعه ونعومه للشعر وبروتين الحليب والفلر والكولاجين والكيراتين والماكديميا وغيرهم

عجبتني طريقة عرضهم للزيوت
sparadise14 مكان علاجات الشعر
sparadise15 جربت علاج الشعر تتري اينن بااارد وتحسين باسترخاء وقت ما يحطونه على فروة الشعر وريحته تشبهه النعناع
يعطي الشعر حيويه ولمعان حسيت فيه من اول ماغسلت شعري
وبعدها سويت سشوار

سبارادايس في الشعب البحري قطعه ٣ شارع الذهبي مبنى ٧٤ الدور الاول – مقابل مطعم مقرمشه
Tel : 22614024 – 99219669
Instagram @Sparadise_kw

This entry was posted in Beauty.
Page 11 of 699« First...910111213...203040...Last »