اول امس حضرت مسرحية الكابوس او نايت مير بطولة عبدالرحمن العقل, انتصار الشراح, حسن البلام, حسن حسني, عادل المسلم, مشعل الشايع, نواف نجم, احمد العونان
على مسرح نادي القادسية الرياضي
اول شي انصدمنا من الزحمه اللي بادية من لفة مركز سلطان !! الشارع وايد صغير و مو ملحق ولما دخلنا الطابور الدخول الى المسرح مو صج ! وقفنا ننطر بهالحرررر بس الحمدلله ربي هونها ودخلنا بعد اكثر من نص ساعه
كنا حاجزين رابع سطر بس تفاجأنا بالمسرح صغير واحنا على الطرف وصار جدامنا طوفة !!! شنشوف مو صج بس الحمدلله تم تعديل الوضع بالاماكن الفاضية انتشرنا كل واحد بصوب
شرايكم بهالمشنوق هذا اول واحد استقبلنا لووول
المسرحية بدت بعرض ديفيدي للفنان عبدالرحمن العقل ومشعل الشايع واما الاحداث عن افراد يتم دعوتهم لقصر بعيد ومهجور وبعد وصولهم يكتشفون انه صاحب القصر متوفي من 25 سنة وتبدي الاحداث ماني حارقتها عليكم
المسرحية عموماً زينه واعطيها 7/10 
عدة فريدي او نايت مير 😀
بالعرض كانت يمنا والدة حسن البلام الله يخليها له ويطول بعمرها واختي سولفت معاها ويحلوها قالت بدششكم معاي تصورون مع ولدي وفعلاً خذتنا معاها ودخلنا الكواليس
حسن البلام اول مره اشوفه شخصياً بس مشاء الله عليه وايد حبوب
بوخالد عبدالرحمن العقل ماقدر اقول عنه شي مشاء الله عليه قمة الحبابة والتواضع 
حسن حسني يحليله طيب بس اكتشفنا انه واااااايد كبير لي درجة انهم يقضبونه لي سكرت الليتات عسى الله يعطيه الصحه والعافيه 
انتصار :/ مادري الله يهداها ما حبيت معاملتها مع الناس شايفه عمرها هذي وجهة نظري واللي شفته شخصيا 
عادل المسلم خوش ريال ووايد هادي 🙂
هذا ولد عادل المسلم يحليله 
مشعل الشايع هم حليووو وماخذ الجو بالكواليس
نواف نجم واااااااااايد هادي الى درجة ماسمعنا صوته 
ممثله يديدة معاهم بالمسرحية مادري شسمها اللي يعرف يقولي 🙂
المسرحيه تستاهل واللي راح لها ياريت يقولنا رايه لافادة الجميع
عليكم بالعافية وبخصوص انتصار كلامج صح انا مره صادفتها وكانت وااااااااااااااااااااااااااااااااااااااااااااااااااااااايد نفيسه ليش مادري !!!!!!؟؟؟؟
الله يهديها بس
وااي الظاهر مع الكل وايد يقولون
Ba3ad weya wardat’ha hathi teshoof nafs’ha 3alaich! Ili ma 3omera teba5ar teba5ar w 7tarag! Very nice coverage! Although I gave up on Kuwaiti plays a long time ago. The last one I’ve been to was Saif Al3arab!
sheftay eshlon um 3ziz hehehe om warda shaifa 7alhaa allah yhadeha, Olllaaaa sef al3rb men zemaaaaaaaaaaaaan bs it was the best play show ever
الممثلة اليديدة جنه اخت خالد البريكي
عليكم بالعافيه انا اخر مسرحيه رحتلها قناص
خيطان
لا وكان مستواها سيء بعد
الله يعافيج .. انا مارحت لها قناص خيطان ومليت منها من كثر مايعيدونها الحين بالتلفزيون
اول مره ادري عنده اخت تمثل !
احس مسرحيات هالوقت اصبحت حيل تجاريه
اخر مسرحية رحت لها مراهق في الخمسين
🙂
قددددديمة هههههه صاجه بس ساعات في اجتهادات خصوصا هالسنة في تنافس حتى بمسرحيات الاطفال
ما احب المسرحيات بشكل عام الا مسرحيات طارق العلي لا و لازم بالبيت ما احضرها dvd
كلشي ولا انتصار وايد ناس قالولي عنها نفس الشي .. :/
الديفيدي حلو بس ساعات الواحد بيغير 🙂
اوه انا كنت معاج بنفس اليوم الظاهر انا كنت الحفله الثانيه
للامانه ما عجبني مكان المسرحيه وحر ونطرنا ونفس كل سنه تطنز على الي صار برمضان وما بدعوا الا شبابنا الي يسوون حركات بهلوانيه بس
غير القطاوه الي نطو مرتين بالمسرح
اتصدقين بنكيه حماتي مرة صادفت انتصار ويايه تسلم عليها جان تعفي ويها وكشتت فيها ما ادري بعض الممثلين شصاير فيهم حمدالله والشكر
مادري شسالفتها ليش النفس الشينه مادري على شنو الله يهديها
وين احمد العونان
نسيتوه
الصراحه اهووو حبوب
ومتواضع جداا
احمد العونان وااااااو روعه بلمسرحيه
بنات شباب ترى سالفت القطاوة ترى هذي قطاوة متدربين هدوهم علشان تزيد جرعات الرعب
والمسرحية حلوة
Comments are closed.