Graish Gathering‏

القريش عادة كويتية وهي اجتماع افراد الاسره او الاصدقاء او حتى الموظفين في آخر يوم من شعبان على سفره طعام الافطار (الريوق) و يتم مشاركة كل شخص بطبق ويحلى القريش بالسوالف والوناسة والحديث عن استعدادات رمضان الكريم باليوم التالي 

هالايام الناس تسوي القريش حتى عالغدا او العشا .. وماننسى حتى المطاعم شاركتنا بهالعادة وصار معروف مصطلح قريش عندهم 

هالسنة رفيجتنا افنان ماقصرت القريش او آخر ريوق كان عندها

السفره عامره مشاء الله 

الفته كانت شي رهيب من الصبح مو طبيعية واللي مايعرفها اهي عباره عن بيديان وبطاط مقصصين مكعبات ومقليين مع بقدونس وخبز مقلي وفوقة صلصة اهي لبنه وروب مع ثوم وشوية زيت زيتون وملح

فول بالفلفل

هذي الاكله مادري شسمها بس اهي عباره عن بطاط وجزر محموسين مع شوية بصل وملح وفلفل مخلوطين مع مايونيز وفوقهم شوية موزريلا وتنحط هالخلطة على قطع من التوست وتدخل الفرن تتحمر من فوق 

معجنات من بريد توك

شلون قريش بدون نخي وباجيلا 🙂

مرتديلا

انواع من الزيتون

اجبان منوعه فرنسي وشيدر ويوناني خالي الدسم

حلوم مقلي محموس مع الطماط وزيت الزيتون والزعتر

كتكو كتكو نايس نايس بالخل والملح

خبز ايراني + توست ابيض واسمر

بان كيك هوم ميد مع النوتيلا

القريش ما يخلى من البلاليط وبيض القروووص المعمول على يد بحرينية الجنسية كويتية الهوى .. تسلم ايدج ام وليد 🙂

حلويات من لابجيت

المشروبات الساخنه والباردة شاي وكوفي وحليب وكولا وسفن وماي

اكرمج الله افنان ويارب ينعاد علينا كل سنه والجميع بصحه وعافية

8 comments

  1. dodoq8 says:

    عليكم بالعااافيه خووش قريش

    اشوه اني شفت البوست الحين وماشفته الصبح بالدوااام وانا صايمه

    😛

  2. Afnanetooo says:

    عليج بألف عافية حبيبتي..هاذي الساعة المباركة وأنتوا ونستوني

  3. Tahani says:

    لو سمحتي ممكن طريقة الحلوم المحموس والفتة بالضبط عشان ودي اسويهم
    وشكرا

Comments are closed.