في يوم من السفره ماطلعنا بالليل من الفندق (اتلانتس) وقررنا نتعشى في احد مطاعمه
Levantine واخترنا المطعم اللبناني
اول مادخلنا نزلتنا الويتر بالاصانصير تحت وكانت الاضاءة خاااافته
القعده حلوة وكان هدوووء
المنيو
عجبني شي بالمنيو ان حاطين فيه صفحه لبكيج كامل من مقبلات وطبق رئيسي وحلويات وبسعر زين
فأخترنا الباكيج كامل
المشروبات كانت خارج الباكيج
الشيف و عجينة لأحلى خبز فريش
الشيف الخاص بالمشويات يحضر اطباقنا 
المقبلات
متبل كان وايد لذيذ
الحمص ايضاً لذيذ
زهرة بطيحنة
هذي جبنه مادري شنو نوعها بالضبط مع خضرا وطماط 
مقالي
رول جبن – سبانخ – برغل – سمبوسة لحم
فتوش كان وايد وايد طيب
واحنا ناكل فجأة اشتغلت موسيقى شرقية ونزلت راقصة ترقص بين الطاولات على الوحده ونص 😛
الخبز الطازج
مشويات مشكله كانت لذيذة بس عيبها مالحه شوي وان شاء الله يتداركون هالموضوع لأن بلغنا مدير المطعم وكان جدا جدا محترم ويتقبل الملاحظات بصدر رحب مشاء الله عليه
الحلو
صحن فاكهه فريش مشكله 
حلويات عربية مشكله
حلاوة الجبن
كنافه
والمدير ما قصر عزمنا على قهوة تركية عجيبة تقعد الراس
برازق
حسبي الله علي بليسج يوعتينيييييي .. عوافي يا قلبي انشالله اول ما اروح دبي بجرررررررربه شكل الاكل يشوق
لوول الله يعافيج حبيبتي 🙂
Comments are closed.