مع دخول الصيف علينا الواحد اول شي يفكر فيه البحر والسباحه واليمعه والوناسة واكيد ماننسى السفر لكن الكويت مانستغنى عنها وفيها اشياء ترى الواحد توه يعرفها
سمعت انه فندق ريجنسي مفتتح شاطيء ومسبح خاص للسيدات وفرصة حلوة خصوصاً للمتحجبات ياخذون راحتهم بمكان منعزل
تواعدت مع رفيجاتي و رحنا الصبح .. طلبوا منا البطاقات المدنية يصورونهم ومبلغ 20 دك للدخول
هذا المسبح الخارجي المختلط وايد كبير مشاء الله 
اما استراحة السيدات مثل ما يسمونهم كانت عبارة عن مبنى صغير من دورين تكرمون تحت الحمامات والشاور وفوق لوبي صغير مع كافتيريا صغيره
حمام السباحه مو كبير وعمقة تقريبا متر و60 اتوقع يعني مو وايد عميق المكان مرتب والقعده حلوة
مع الاسف السباحه ممنوعه نتيجة تلوث الشاطيء 🙁
اليوم اللي رحنا فيه الحمدلله كانت الشمس مو وايد حاره والجو حلوو 
الماي حده منعش مع الثلج بهالوقت
استانسنا وسولفنا وتنتنا على قولة رفيجتي وتغدينا وتوكلنا على الله 🙂
كانت تجربة حلوة والمكان وايد حلوو لكن صغير وحسافه لما صارت الساعه 11 صار وايد زحمه والمسبح مايندخل :/
The Regency Kuwait Hotel Site Link
Tel : 25766666
