Le Relais de l’Entrecôte
من المطاعم الفرنسية المفضلة عندي .. مو اول مره اروح له لكن ما اتذكر اني كتبت عنه من قبل
اللي يدخله اول مره ينصدم انه يقدم نوع واحد فقط من الاكل الا وهو الستيك وكل اللي تقدر تسويه انك تطلب منهم يكون ول دن ولا ميديوم
تكتب الجرسونه الطلب على الورقة البيضا الموجودة على الطاولة وكيف تحب يكون الستيك
ويقدمون لك الباجيت الفرنسي المعروف مع الزبدة
ثم صحن السلطة المكونة من الخس وقطع الجوز ومايميز هذه السلطة ذات النوع الواحد من المكونات هو الصلصة ذات المذاق الرائع
عصير البرتقال كان اختياري قبل وصول الستيك اللذيذ
وصول الطبق الرئيسي وهو الستيك مع الفرايز .. المطعم يتميز بصلصاته لأن حتى الستيك صلصته اهي اللي محليته يم يم
محبين الستيك اللي ماجربووه انصحكم فيه
Al Fanar Mall, Salem Al-Mubarak Street, Salmiya
Tel: 257 296 00
Avenues Mall, Phase 2
حده عجييب جربته مو طبيعي
بالعافية حبيبتي
الله يعافيج حبوبة
بالعافية
الله يعافيك اخوي كيفان
بالعافية , رحته بس بالرياض و وايد عجبني بس هناك مو فرايس يقدمونه مع ماش بتيتيو
الله يعافيج حبوبة 🙂 اول مره ادري انه موجود بالرياض
شنو اللحم تستخدمون ؟هل هو حلال ؟
الموقعکم واید زین وانا حبکم
عجيييب ستيكهم
عاد ليلحين ما تغديت و اشتهيته :p
Comments are closed.