MY SPA امس كان عندي موعد في
صارلي فترة ما دلعت روحي ومن زمان سامعة عن المساج الهندي فقلت اجربة وقبل جم يوم اتصلت وعرفت انه عندهم عروض حلوة ومن ضمنها العرض اللي خذيته ل 3 اشخاص انا وصديقاتي انه 2 يدفعون ووحده فري ماتدفع شي
العرض كان لمساج الاسترخاء مع السنفرة والبخار 
مكان السبا في السرداب
اول ما انفتح الاصنصير بويهنا هالباب الخشب والاضاءة البنفسجية الخافته والارضية مائية عجيبة 
استقبالهم كان جدا جميل ولبق ضيفونا بماي وقعدنا ننطر صديقتنا ال 3 على ما تيي
حاطين تقريبا 5 انواع جاي مختلفة ضيافة من السبا للزوار
بعدها قعدنا مع الدكتورة آشا سألت كل وحده بروحها اذا نشتكي من شي ربوو عوار بمكان معين بالجسم نستحمل البخار او لا وكانت يحليلها سمحه و ويهها بشوش
بعد ماخلصت الدكتورة يتني المختصة بالمساج اللي بتسويلي وعرفتني بنفسها كان اسمها شالوو يحلوها وايد حبيتها
وعطتني تكرمون سليبر لبستني اياه وقالت لي تفضلي معاي
هذا الممر اللي يودي لغرف المساج
وايد استانست على طريقتهم كل غرفة فيها غرفة صغيرونة للتبديل ومغسلة وسخان كهربائي وحمام وكل شي مرتب ونظيف 
بعد التبديل خففت الاضاءة و خلتني اقعد على القنفة وغسلت ريولي ونشفتهم وبعدين قعدت على السرير ويابت زيت جوز الهند وبدت تدهن شعري وتدلكه
و بداا المساج العدل انسدحت وبدت تدهن وتدلك كل جسمي بزيت زيتون وهربل اعشاب هندية
عقب الجسم دهنت لي ويهي بس نسيت اسال شنو اللي حطته
بعد التدهن والزيت وصل دور السكراب او السنفرة فقلت لها اني ما استحمل البخار وايد ونوعي بسرعه انقمت فسوت لي السكراب على السرير
وبعدين لبستني تكرمون سليبر للحمام و دخلت البخار لمدة 5 دقايق تالي يابت لي 3 قراش صغار فخار قالت لي هذا شامبو وكوندشنر وصابون وعطتني مفراكة يديدة ومفتاح غرفة التبديل وضبطت لي الشاور وخذيت بروحي شاور كامل متكامل علشان اوخر الدهن
بعدها يابتلي فوطتين للشعر والجسم وروب خفيف
لما طلعت قعدتني على القنفة وعطتني قطن الاذون وقطنة للويهه فيها ماي ورد مسحت ويهي وحسيت نفسي بيبي فجت مشط يديد وقامت تمشطني وتنشف شعري بالسشوار 🙂 
بعدها خذتني لغرفة ثانية فيها كذا سرير ولقيت صديقاتي هناك مشرقدين لوول
حطت على ويهي كمادات باردة تنعنش وفوقهم نظارات الجل وخلتني 3 دقايق تقريبا وبعدين يت شالته 
ويابتلي هالصينية يم يم فرووت سالاد فريش لذيذ وماي بااااااااارد 
وبعد ما كليت الحمدلله قالت لي خلصنا تقدرين تتوكلين على الله .. الشي اللي انصدمت منه الساعه كانت 7 وشي يعني اكثر من ساعتين طارت وانا ولا حسيت فيهم
وااايد حبيت السبااا واللي حبيته اكثر نفسية اللي يشتغلوون كلهم بلا استثناء حبوبين وذوق حتى لما قلت لهم عن البلوق واني حابة اصور كلش ما مانعوا وخلوني على راحتي
حبيت اشكر موظفة الاستقبال الاخت(ياسميـن) كانت جدا خلوقة وتعاملها جدا راقي يعطيها العافية
Dr.Asha + Shallo : Thank you 😀
For Appointment Call : 25645353
ميدان حولي -ش بغداد -ق11 -بناية 17 – بالسرداب
FB Link
Mashallah shakla shai, bs golelena 3ala Cham 6ala3 3alaikom?? O ohwa nafsa ele bel she3eb elba7ri wela ghair? O 3alaikom bel3afia
allah e3afech ,, ee the same .. 6l3 3lina 40 kd
اما قريت البوست كله بس يبقى السؤال
انتي قلتي 2 والثالثة مجانيه
منو اخذ المجانية لووووووول
لوول بصراحه قسمنا ال 40 على 3 وكلنا دفعنا ههههه
panoooka.. 3aleech eb alf 3afya 7uby.. ana 6ay7a feehum min almost two years lol o mistansa ena mo wayed nass yediloona.. al7een saweety da3aya o bey9eer za7ma o yeghaloon as3arhum 😛
allah e3afech 7bebty ,, loool la enshallah ma ezedon alas3aar 😀
bel3afya inshallah 😀
di5t min shar7ich lol
الله يعافيج حبوبة .. ههههههه
عليكم بالعاااافية ونعيماً
بصراحة شوقتيني اروح مع رفيجاتي
الله يعافيج حبيبتي .. روحي وان شاء الله بيعجبكم 🙂
Comments are closed.