استانس اروح ذا قيت مول ايام الويك اند حزة الغدا
يكون الوضع نوعا ما هادي غير عن بالليل
واحنا نتمشى ندِّور مطعم نتغدا فيه لقينا مطعم ارمني يديد اسمه عنتاب
قعدته زينه والخدمه ممتازة والاكل وااايد لذيذ
اول شي وصلنا الخبز الحار
الحمص
كباب بالكرز خطيرررررر
الكباب مقطع نفس التكه البحرينيه عنونات ومخلوط بالكرز العدل والصلصه ومعاهم خبز نفس طريقة الفتوش
شي خيااااال حده حده لذيذ
شيش طاووق
انا ماذقته بس اختي وولدها وايد مدحوه
احلى شي لما طلبت الفاتوره لما لفيت لقيت الريال شايل بيده منقوشة زعتر !! والله من بعيد علبالي صج منقوشه
طلعت جنطه على شكل منقوشه يقولي مسوينهم مخصوص للمطعم في ارمينيا
تشوووووق
Instagram @antebkuwait