السناب چات والله صار له فايده غير الهذره والتحلطم والاغاني صار يعلمنا بأماكن يدد 😀
طيوبه الصالح صديقتي صاحبة الانامل الذهبيه بالمكياج كانت طايحه على خوش مكان
طبعا خاص بالمكياج عندهم البيوتي بلندر وانواع كثره من الفرش مثل سقما وريل تكنيك وغيرهم وغير الحمر وباليت الشدوات والكونتور والمشوط واصباغ الاظافر
حيل شوقني فسألتها عن المكان وقالت لي اسمه باربي شوب بحولي وعطتني اكاونتهم الانستغرام
اللي بيروح ياخذ احد معاه لأنه المحل بعماره وكلها مكاتب وسوبرماركت نستو بس مادري شلون بصراحه انا بحولي لازم اخذ احد معاي ماحب اروح بروحي و الحمدلله عيال اختي معاي
العماره تصير بالشوارع اللي ورا مستشفى دار الشفاء وجدامها مدرسة فوزية
المهم صورت لكم هالصور من بضاعتهم
البيوتي بلندر مكودين شكثر وعندهم بعد الميني سايز
فرش سيقما
ريل تكنيك في اشكال والوان وعندهم حجم ميني للسفر بعد
مرطب الشفايف عندهم انواع مختلفه يهبلون
انواع من الرموش
وبصراحه خمطت اشياء وايد وحدي استانست على المكان 🙂
ادري فيكم شوي بتضيعون فصورت لكم العماره
Tel : 96933954
Instagram @BarbieShopQ8
مساء الخير ، حابة أسأل عن كريم للمكياج اسمو
kryloan-ultra foundation3
ممكن أعرف إذا موجود عندكم وكم سعرو وشكرا
مساء النور
اختي تقدرين تتواصلين معاهم عن طريق اكاونتهم ورقمهم انا مجرد كاتبه تقرير عن زيارتي لهم
Comments are closed.