My Trip to France – Paris – Arrival day رحلتي الى فرنسا – باريس – يوم الوصول

IMG_3855 من زمان عن تقارير السفر
انا صايره اذا شفت صور وايد اصير كسلانه جدا جدا
خصوصا انه متابعين الانستغرام كانوا يشوفو معاي بعض الصور اول بأول

ادري فيه ناس وايد ينطرون هالتقرير لأنه شوي ادق بتفاصيل السفره
بس علشان اكون صريحه هالسفرة كانت تـســـــوق في تســـــوق ههههه
يعني الرياييل ماعتقد بيستفيدون شي من هالبوستات بإستثناء الفنادق وجم مطعم رحنا لهم

المهم السفره كانت نص شهر نوفمبر يعني وقت التزيين حق كرسمس والجو بارد لكن جميل
الحمدلله توفقنا وايد بهالوقت
Paris1day1 السفره كانت على الكويتيه والله بالروحه الطياره كانت زينه وراهيه بس تعبنا شوي لأنه في ترانزين روما وصارت الرحله ٨ ساعات ونص تقريبا
Paris1Day2 وصلنا مطار شارل ديغول في باريس
عجبتني الدعاية لجناط دلسي
Paris1day3 السكن كان في فندق بالزاك في الشانزلزيه وقريب جدا من قوس النصر
الحجز تم عن طريق موقع بوكينج – اضغط هنــا
Paris1day4 الفندق ٥ نجوم مرتب وخدمتهم وايد زينه
بالنسبه للاسعار ماراح احطها اول شي لانه الدفع كان لكل الغرف وبصراحه ناسيه بالضبط جم وثانيا لانه الاسعار من موسم لي موسم تختلف فماراح يفيدكم بشي والموقع اذا دشيتوا يعطيكم الاسعار والعروض الموجوده
paris1day5 الغرف حلوه ونظيفه بس واااايد صغيره
paris1day6paris1day7 بعد ماارتحنا شوي وبدلنا نزلنا نتمشى في الشانز
واول شي مريناه قوس النصر
Paris1day8 بوتيك لوي فيتون في الشانز
Paris1day9 دخلنا محل ديزني
paris1day10 كولكشن يديد في ماك
paris1day11 محل حلاو يشوق
paris1day12 بعد التمشي قررنا نتعشى في مطعم
Pizza Pino
Paris1day13 حاطين المنيو عند الباب علشان اللي اول مره يدش يعرف نوعية الاكل اللي يقدمونها
Paris1day14 كان وايد زحمه لكن اشوه لقولنا طاوله بزاويه على فيو حلو
Paris1day15 طلبنا كان
سلطة كابريزي
Paris1day16 باستا مع الوايت صوص والمشروم
Paris1day17 بيتزا مارغريتا وزدنا عليها زيتون ومشروم وبيتزا خضرا
Paris1day19Paris1day18

الحمدلله كان الاكل كله لذيذ وعقبه تمشينا لي فندقنا وحطينا راسنا ونمنا
وان شاء الله باجر احاول انزل لكم بوست اليوم الاول في باريس 🙂

4 comments

    • PinkGirl
      PinkGirl says:

      ههههههه حبيبتي كفايه التعليق هذا اكبر لايك :*
      الله يعافيج
      ان شاء الله انزلهم هالايام وسامحوني على الكسل اللي فيني

Comments are closed.