امس كنت معزومه على غبقة عند ام يويو (ذا سايد توك) مع البنات دندرمه وجاكي وسويره
احب الغبقات المحفوفه اللي الواحد ياخذ راحته فيها يسولف ويضحك ولا يتكلف ويتسمت ويجامل ههههه اي انا من الناس اللي احب اليمعات البسيطه اكثر وااايد من اليمعات الكبيره اللي الواحد يقعد جنه بتجنيد الزامي متسمت كل واحد يبحلق باللي جباله هذي شلابسه وهذي شحاطه ومكياج هذي وشعر ذيج
يا زين البساطه واللمه الحلوه 🙂
وايد احب شقة جمانه مرتبه وذوق ونزاكة تبارك الرحمن
وبما اني طالعه مبجر وماشربت قهوتي قلت امر اقرب ستاربكس اطلب قهوه علشان ادخل على البنات والمزاج عال العال 🙂
من قال نزلت بالدراعه ههههه اشوه انه الوقت مبجر والمكان خالي
ووصلوا البنات
دندرمه تموت على الجواتي تكرمون الفناتق شوفووا جوتيها جنه من مسلسل حريم السلطان مع اني مو شايفته 😛
لا وانتيكيييي (بصوت يسرا بسرايا عابدين) صارله ١٠ سنين عندها
سويره وجاكي وسوالف جانبيه ههههه شنو الاسرار الدفينه 😛 كلش مايتكلمون عن جوجو
جوجو بنت سويره كاشخه يازينها هالبنت عسل
ويويو مارضى يعطيني ويهه لاهي بالسياره
فقرة البلعه لاااازم في كل غبقة ههههه
المعجنات من غاذيرينج مو طبيعيه وايد لذيذه وطعمها نفس فطاير اول بالمدرسه
وايي معاها صلصه طيبه
التبوله مسويتها جمانه شي مووو طبيعي تبارك الرحمن امس كانت ملكة السفره
تسلم ايدج جمون الذ تبوله ذقتها
الفروت سالاد بعد من ايد جمانه البنات جربوها يقولون طيبه جدا
الچاي والقهوه
هذي المحلبيه مع شعر البنات مو طبيعيه على الطريقه التركيه وايد طيبه
تلقونها في نقصه كافيه
لقيمات
واخيرا عطاني ويهه يوسف 😀
جوجو بعد الكشخه 😛
وآخر شي ماقصرت ام يويو وزعت علينا قرقيعان يسافي الجميل
شكرا جمون خوووش غبقه استانسنا وايد عساه بيت عامر حبيبتي :*
hehe wallah kanat khosh ghabga 3la goltech 9ij a7la shay nbasse6 belga3 wenka3ke3 (elmarra el yaya ) 😀
Comments are closed.