بوفيه الإفطار في مطعم البلــد

انا من الناس اللي تفضل تتفطر بالبيت لكن كسر للروتين الواحد يسويها مره او مرتين في شهر رمضان ويتفطر بره
اول امس تفطنا في المطعم اللبناني البلــــد
مع ان المطعم مو يديد لكن هذي اول مره اروح له
وماشاء الله كان في اقبال كبير على الفطور ماتوقعت الناس تتفطر بره 🙂
قعدنا بالكباين واستانست انه المطعم يدور تخيلي انتوا قاعدين والمطعم يدور فيكم ويراويكم الديره ابراج الكويت وسوق شرق وبرج الحمرا والتحرير من الدور ١٨ 🙂
حلوه النقوش
المنظر
كل طاوله عليها التمر والفاكهه المجففه
كان في نوعين شوربه عدس/دجاج
العدس مو صج وايد لذيذه ماشاء الله
البوفيه عندهم كبير ومتنوع المقبلات من سلطات وانواع الحمص والمتبل والمقالي والاجبان وغيرها
والصاج يسوونه جدامكم وتختارون الحشوه اللي تبونها

نخي وباجلا
شاورما دياي عجيبه
بوفيه الاطباق الرئيسيه حتى المجبوس والتشريبه موجوده يعني يرضي كل الاذواق
صحني يم يم
الفيو حلوو بس حسافه الجام يعكس
الحلويات
القهوة العربيه
والتركيه
مطعم البلد في برج الشرق – شارع احمد الجابر
Tel : 22492111
Instagram @AlbaladQ8