قبل لا اروح دبي كنت حاطه في بالي اماكن معينه بروح لهم وفي ناس بعد بالانستغرام مدحولي اماكن من ضمنهم هالمخبز
مخبز ياباني هذا اول فرع له في الشرق الاوسط
المكان اللي اهو فيه اسمه مجمع الوصل سكوير اهو مكان مفتوح وفيه جم محل وكافيه بس عموما ماعليه ضغط يعني اذا بتروحون بتتعنون لمكان معين حتى التكاسي اغلبهم مايعرفونه الا اذا عطيتوهم رقم المكان واهم يوصفونه
المهم اهو كافيه ويقدم معجنات بأشكال وساندويتش واكيد مشروبات
ايس كريم ماچا
خذينا جم قطعه تيك اوي نجربه
الهيلوكيتي على نوتيلا ودونتس وهوت دوق
كان طيب والعجينه ترفه بس مو مال عنوه بصراحه لانه المكان مثل ماقلت ماعليه ضغط وطريقة المعجنات موجوده عندنا بالكويت في مخبز ليشس فما حسيت في شي يديد
Yamanote Atelier is located in Al Wasl Square Complex on Al Wasl Road
Tel : 043881811
Instagram @YamanoteAtelier
امس قاعد ادور على ماتجا لاتيه بدبي وطلعلي هالكافيه
شكله حلو ومرتب
انشالله بروحله اسبوع الياي
عليكم بالعافيه مقدما
Comments are closed.