امس بالليل كنت معزومه على افتتاح مطعم سوسايتي في مجمع ذا ليفل بالمهبوله
ستايل المطعم اوربي، ديكوره وااايد حلو وقعدته مريحه والجو العام عجيب
اللي يحبون لندن بيستانسون اغلب الكوشنز على اشياء تخص لندن 🙂
فكره المنيو وايد حبيتها
عباره عن مجله وفيها كل الاطباق وصورهم وبعض المقالات عن الاكل وبالعربي والانجليزي
وتتغير المجله كل ٤ شهور تقريبا
طلباتنا كانت
CREAM CHEESE & ROASTED VEGETABLES SALAD
سلطه الجرجير مع الفلفل والجزر والذره الحلوه وصلصه البلسمك
كانت لذيذه بس الدريسنج مو خالطينه عدل بس عموما طيبه
جاكي طلبت
CAESAR SALAD
ماجربتها شكلها ماشجعني وهم جاكي قالت عاديه
المقبلات كانت
DEEP FRIED BREADED BRIE
بطاط ودجز مقليه بالخبز مع الجوز الكريمي وصلصة زنجبيل وعسل
كانت لذيذه
LEMON BUTTER SHRIMP BRUCHETTA
خبز فرنسي محمص مع ربيان مشوي وصلصه ليمون وزبده
عجيب
SALSA ROSSA PIZZA
صلصه سوسايتي مع جبنه كريمه وموزريلا وبارميزان وطماط مجفف
عجينة البيتزا كانت لذيذه بس انواع الجبن مخليتها وايد ثقيله
البنات حبوها وايد بس انا المره اليايه بجرب نوع ثاني ان شاء الله
ROULADE OF CHICKEN & MUSHROOM
هالطبق ملك لذيذذذذ مو طبيعي
صدر ديايه مطبوخ على البخار ومحشي بالفطر ومغطى بصلصة الفطر البيضا ومعاه خضار وبطاط
الحلويات
ETON MESS SUNDAE
كريمه شانتيلي مع طبقات من الفراويه والتوت الطازج وصلصة الكرز
عجييييب
FLOUR-LESS CHOCOLATE CAKE
كيكة ككاو بدون دقيق على طبقه من اللوز والشمندر مغلفه بطبقه سميكه من الشوكولاته
انا ما حبيتها ثقيله
STEAMED SPONGE
بودنج اسفنجيه خفيفه تقدم مع صلصه توفي وفانيلا
قااااااتله
Society is located in The Level, Mahboula
Tel : 22399322
Instagram @Societykwt