امس كنت مدعوه لتجربة العشاء في المطعم الايطالي الجديد
Boccini
في ليفلز – المهبوله
المكان حلو والاجواء والاضاءه هاديه
كانوا مجهزين لنا منيو خاص بأطباق من ذوق الشيف
السلطات
Insalata Di Casa
خس مع البيض البوتشد والطماط المجفف والبصل وجبن البرميزان والليمون
عاديه مو وايد حبيتها
المقبلات
Boccini Nachos
اهو مو الناتشوز المكسيكي اللي نعرفه> اللي عندهم قطع كرسبي مع طبقات من الجبن والزيتون مع البصل والطماط وجبن البرميزان مع بيستو الفستق
لذيذذذ
Gamberi Croccanti
ربيان كرسبي مع صلصه لذيذه
Parmigiana Di Melanzane
طبقات من جبن البرميزان والبيديان مع الموزريلا وصلصه المارينارا
حلوه بس ثقيله
الاطباق الرئيسيه
Tagliatelle Funghi
باستا مع المشروم والثوم والباسيل وجبن البارميزان
Cinque Formaggi
بيتزا مكونه من ٥ انواع جبن اضافه للزيتون والترفل الاسود وزيت الزيتون
ماجربتها بس جاكي صديقتي تقول ثقيله
Focaccina Nduja
بقشه شحليلها داخلها صلصة طماط مع الصوصج والبهارات وجبن الريكوتا والموزريلا والبرميزان
طعمها يشبهه السمبوسه الهنديه العوده
الحلو
Boccini Tiramisu
تيراميسو وايد لذيذ ومتشرب القهوه بشكل لذيذ جدا
Banana Nutella Pizza
بيتزا مبرومه داخلها نوتيلا وموز ومعاها ايس كريم فانيلا
دمار
شكرا بوتشيني على الدعوه والهديه
الافتتاح بيكون اليوم بالليل ان شاء الله
Boccini Located in Levels, Mahboula
Instagram @Boccinikw