وصلتني دعوه ذربه وكيوت من صالون متخصص بأظافر الاطفال البنات
مكان يديد ويشوق اسمه
Tinys Nails
فكرته انه البنوتات يتعلمون المحافظه على نظافة اظافرها والاهتمام فيها ويدلعونهم ويقدمون لهم خدمه يستمتعون فيها
والاهم وجود خدمه للامهات بعد يعني تدخلين انتي وبنتج تتصبغون وتتسنعون وتطلعون 🙂
منمونه بنت اختي اسم الله عليها تموت على هالسوالف حمره وصبغ ولويه الكبار
حجزت موعد وخذيتها معاي 🙂
الصالون عنونو ويشوق الالوان والديكور ماشاء الله يشد اليهال
ومن اول مايوصلون يستقبلونهم الستاف ويلبسونهم الروب ويقعدونهم
حبيت فكرة انه مسوين الكراسي بحجم يكفي الصغار والكبار 🙂
وهذي الكراسي المفروض للكبار
على الحائط مقولات لشخصيات ديزني اللي يحبونها البنوتات والتلفزيون يعرض رسومات متحركه من ديزني بعد لانه معروف عن ملكات ديزني الجمال واهتمامهم بنفسهم 😉
الاصباغ تشوق ماركات متنوعه والوان اتينن
قائمة الخدمات اللي يقدمونها
وقعدت منمن وسألوها شنو تبي نوع الماسك والسنفره واختارت الليمون وانا قلدتها
قدموا حق منمن عصير مع النفيش والبسكوت وانا طبعا نسكافيه 🙂
شغل عدل
منمون صبغت اظافرها وردي وظفر واحد نيل آرت اختارت شخصيه هيلو كيتي
وانا اخترت المارون والحين وانا اكتب البوست صارلي ٣ ايام الصبغ نفس اول يوم ماشاء الله
وآخر شي عطونا لويلتي كارد علشان كل ما يينا يختمون لنا لما نخلص الكرت ونحصل خدمه مجانيه 🙂
شكرا تايني نيلز على الدعوه الكريمه، انا ومنمن وايد استمتعنا واكيد ماراح تكون الاخيره
اللي عندها بنوته لا تطوووف التجربه عندهم 🙂
Tinys Nails Located in Kaifan Coop, Basement, next 2 the bookshop
Tel : 24911453 – 96922828
Instagram @Tinys_nails
