الاسبوع اللي طاف كنت معزومه على المطعم الايراني فيلا بابك في الافنيوز – السوق
المطعم ماخذ مساحه كبيره ما شاء الله وله اكثر من مدخل
الديكور يوحي بانه المطعم فارسي والقعده جدا مريحه
استقبال الموظفين كان مميز حتى قبل لا يعرفون انه احنا معزومين وهالشي دليل لخدمه ممتازه
المنيو متنوع فيه الكباب اللحم والدياي والمأكولات البحريه وغيرها من المقبلات والاطباق الرئيسيه
الضيافه اكيد الخبز الايراني اللي طالع من التنور والجبن الابيض مع الجوز والخضرا
وطالما الطلب كباب ضروري وجود لبن بالنعناع
اول شي وصلنا كان المقبلات طبعا
كشك باذنجان
كان باختصار خطيررررررر
الحمص بعد كان حلوو
سلطه شيرازيه كانت سلطه عاديه مافيها شي زياده
الاطباق الرئيسيه كانت ميكس جريل عباره عن كباب كوبيده و تكا دياي مع عيش زرشك
ريش كانت طيبه
مرق شبزي
وبعد الغدا طلبوا منه نروح مكان عرض الحلويات ونختار اللي يعجبنا
وصلنا الجاي بالزعفران كان عجيب يقعد الراس وبانتظار الحلو
فالوده
انا مو من محبينها بس جربتها كانت جيده .. اللي على زعفران احسن من الثانيه
الخامه خفيفه ولذيذذذذذذذه وعندهم نوعين العاديه وبالزعفران
الخامه نفس طريقة الاكلير تقريبا بس اخف
الميليفيه كلش ما حبيناه والناس اذواق
الكنافه كانت عاديه
Villa Babak is located in The Avenues, Al Souk District
Instagram @VillaBabak
About the author
