يوم الاربعا كنت معزومه على افتتاح قهوة واو اليديده التابعه لحلويات واو المشهوره
القهوة مكانها بالضبط يم محل واو بشرق خلف برج الحمرا
راح تشوفون القعده الخارجيه وتحسون المكان صار اكبر من قبل شوي مع افتتاح القهوة
القعده اللي برا تشوق حق عايله كامله
القهوة من داخل ديكورها شوي غريب والاضاءه خافته
استقبلونا اللي يشتغلون بواو واخترنا نقعد داخل
المنيو صغير لكن منوع وفيه اشياء تشوق
ضيفونا بعصاير بقلاصات عنووونات يشوقون
بيناكولادا
موهيتوو
وسلة الخبز الفريش حده لذيذذذذ
وما شاء الله كل الاشياء المستخدمه في المطعم حتى الاكواب وغيره مصنوعه بالكويت خصيصا لواو بمصنعهم الخاص
وهالشي عرفناه بعد ماتعرفنا على صاحبة المكان الشيخه بشاير الصباح ما شاء الله عليها ذوق وسنع وقعدتها ما تنمل الله يبارك لها
اول شي وصلتنا السلطه
Rocca Pamegranate
سلطة الجرجير مع الرمان شي خطيررررر وايد طيبه
Gnocchi Algorgon zola
باستا بطاط مع صوص الجبن
Tandoori Shrimps
تندوري الربيان طبق سبيشال عند واو واللي يحب الفلفل يجربه 🙂
وبعد السوالف الحلوه مع الشيخه بشاير طلبنا القهوة والحلو
الكابتشينو كانت خطيره خصوصا مع البرد ذاك اليوم
مولتن كيك كانت وااااايد لذيذه وشكلها عجيب
طلبي كان دسمانية 🙂 شدني الاسم ولما دريت انها تمر استانست لاني احب التمر
طلعت خلاصه مادري خبيصه شي خيال واااايد لذيذه بس يبيلها دله قهوه عربيه يمها
صج صج انصحكم فيها
شوفي الساين ملوت الحمام مكرم السامع على نيديه رجالي وحريمي فناااتق 😀
وطلعنا ومعانا جيس فيه اصناف طيبه من حلويات واو اللذيذه
شكرا واو والشيخه بشاير على الدعوه والساعه المباركه اللي تعرفنا فيها عليج وعسى الله يوفقج انتي وبنياتج
Gahwat Wow is located in Sharq next to Wow
Tel : 1827070
Instagram @GahwatWow
