تمت دعوتي لحضور افتتاح كافيه اكسجين وهو اول كافيه معالج بالطاقة
بصراحه انا علم الطاقه مالي فيه نهائيا علشان جذي اللي حاب يعرف اكثر على الكافيه من هالناحيه يدخل على الاكاونت الخاص في اصحابه مشاري المضاحكه و زوجته ليلى العنزي (كايزن) الله يوفقهم
المكان هادي والوانه شرحه والقعده فيه حلوه
يقدمون بعض المأكولات الخفيفه ساندويتش وحلويات كيك وكوكيز وغيرها
يشوقون المقات
موسيقى حيه
مشاري المضاحكه وليلى كايزن يتكلمون عن الكافيه وبداية التخطيط لافتتاحه
اسمه اكسجين فضروري مضخات الاكسجين تكون موجوده بالمكان 🙂
طلبت هازلنت لاتيه كانت جيدة جدا واكتبوا عليها اسمي وبعده قلب حب وطلبوا مني ارسل طاقه حب لشخص فقلت لهم كتبوا اسم صديقتي اللي معاي نوره العيسى 🙂 مادري عاد وصلت طاقتي لأم فواز ولا لأ
كيكة الفستق كانت وايد لذيذه
ومروا علينا بالدله اللي يقدمونها في الكافيه وهي قهوة يتوق والله كانت طيبه
خوش تميره ما شاء الله
وآخر شي كتبنا ذكرى على لوحة الكافيه
العاملين في اكسجين وابتسامه لكاميرتي 🙂
شكرا لاكسجين كافيه على الدعوه والله يوفقكم
اكسجين كافيه في مدينة الكويت، القبلة، برج الخالد بجانب الخطوط الجويه الكويتيه ومقابل برج حمود
Tel : 22466888
Instagram @oxygencafekw