وصلتني دعوة تشوق من مطعم غاذيرينج بيسترو بالصالحية لتجربة منيو الريوق الجديد عندهم
جربت المطعم اكثر من مره لكن كله بفترة العشا – اضغط هنـا و هنـا
وكعادتهم اصحاب المطعم يوسف السعد وفهد الفليج استقبلونا ما قصروا وعطونا فكرة عن المنيو والاطباق اللي بتتقدم لنا
اول شي شربنا كابتشينو على ما يزهبون لنا الاطباق ونبدا بتجربتهم
اول طبق وصلنا كان الدونت
شي مالح على حلو طبق عجيب وبالنسبة لي كان الذ طبق تقدم لنا ذاك اليوم
الدونت حاليه بس مو وااااايد وفوقها تيركي وبيض عيون شي لازم تجربونه علشان تفهمون قصدي
Baked Hash
بيضة فيها بطاط وجبن كانت لذيذذذذه
Chicken Scottish egg
طبق غريب بالنسبة لفترة الريوق لأنه من محتوياته الدياي مع بيض مسلوق وصلصة خاصة وطعم البهارات شوي مخلي فيه لسعة حرورة بالنسبة لي ما افضله وقت ريوق بس صديقتي استانست عليه
The breakfast flower
قطع من البطاط دار مدار الماعون شكلها نفس الوردة وداخلها بيض مع الجبن والخضره
The Crispy Waffles
وافلز مقرمش محمش لذيذ يقدمونه مع الايس كريم وقطع البسكوت وصلصة الجوكليت والفراولة
لذيذ بس انا جربت صوب صلصة الفراولة فما حبيت الطعم وايد اتوقع صوب الجوكليت وايد الذ
Kinder Pancake
واااايد لذيذة خصوصا لمحبي الككاو والحجم يكفي 4 ويمكن يزيد رااااهية ما شاء الله 🙂
هالاطباق اللذيذة من ابتكار الشيف الحبوبة عادلة الشرهان اللي كانت موجوده مع وليدها
قعدت معانا وعطتنا فكره عن الاطباق .. خوش سوالف استانسنا معاها 🙂
باجر الاحد 10 نوفمبر بيبدون يقدمون الريوق في الفترة من 8 صباحاً حتى 12 ظهراً
الصالحية – مجمع نور
Tel : 22449091
Instagram @GatheringKW
