وصلتني دعوة عند افتتاح مطعم ذا بيغل بار كوفي هاوس لكن لظروف ما ما قدرت احضر الافتتاح
هالمره سمحت لي الفرصه لتجربته وحبيت المكان خصوصاً الموقع ما شاء الله مطل على الساحه الرئيسية للقراند افنيو
القعده فيه داخليه وخارجية فضلنا نقعد بره وايد اشرح
البيغل عندهم انواع كثيرة ساده وبالسمسم وبالهلابينو والجبن والطماط المجفف وبالحبوب وسمرا وبيضا وغيرها
عندهم بعد انواع من الكيك والحلويات الثانية
المنيو راهي وفيه وايد اشياء مو بس بيغل يعني شامل السلطات والشوربات والمقبلات والحلويات واختيارات خاصة من البيغل وهم تقدرون تطلبون الحشوات اللي تناسبكم
نوره طلبت الايريش كوفي وايد عجبتها تقول حدها خيال وبصراحه وايد شوقتني فالمره الياية ان شاء الله انا اللي بجربها 🙂
فانيلا ايسد كوفي كانت منعشة ولذيذة
شوربة المشروم كانت من اختيار نوره وتقول جداُ طيبه
دريت انه عندهم سلطة فيها فراولة وفيتا وجرجير فعلى طول طلبتها لأني احب طعمهم يميع
كانت زينه بس ناقصها شي مادري شنوو
بيغل محشية بالبيكن مع التيركي وجبنة قودا مع المخلل والطماط والخس والبصل
انا طلبت بيغل بالطماط المجفف مع الجبن وايد لذيذة وكرنشي بعد
نوره اذا ماطلبت بيغل فيه نوتيلا وخلتنا ندمر الدنيا ماتكون نوره
صار شكلنا جنه يهال بالروضه عندها هههههه
وقبل لا نقوم فاجئونا بطبق من اختيارهم كان عباره عن كريب وهم نوتيلا مع سكوب ايس كريم فانيلا
ماقدر اقول الا لذيذذذ
The Bagel Bar Located in The Avenues, Grand Avenue
Tel : 22200880
Instagram @Thebagelbar