لما تعيشون حياة شخص لحظة بلحظة بيكون عزيز جدا عليكم وبتحبونه قبل لا تشوفونه شلون لما يحتفل بعيد ميلادة الاول وتشوفونه يكبر مو بس جدام عين امه وابوه حتى جدام عينكم 🙂
بيبي جنى الحبيبه عشنا قصتها قبل لا تنولد درينا بحمل سويره ودعينا ربي يتمم عليها ويعوضها خير
كنا ننطر نتيجة السونار نبي نعرف جنس البيبي وشفنا اول سونار سوته لحظات كانت جميلة عشناها اول بأول
علشان جذي هالعيد ميلاد كان غير وحضورنا كان مهم 🙂
وهذي جنى الحلوة كاشخه حق عيد ميلادها الله يحفظها
حبيت وايد تنسيق ماما سويرة اهي اللي مرتبة كل شي من الدعوات وطباعة الثيم الخاص بالبارتي وترتيب طاولة خاصة عليها اشياء تونس كل شي طالبته من مكان
@Bakerista كيكة العيد ميلاد والكيك بوبس من
@Littletreatsq8 الكب كيك والكوكيز من
استانست وايد على طريقة حليب الفراولة والاكواب والعواده زووووغه
طبعا المبدعه سويرة شمسوية شارية بطول ستاربكس اللي يبيعونهم في مركز سلطان ولولو هايبر على موكا وربعها ومفرغتهم وحاطة فيهم الحليب فراولة ومكشختهم بالشرايط والعواده خوش فكرة بس بطول تروبيكانا هم يسوون شغل وارخص من بطول ستاربكس اذا الغرض مو الشرب بس الحصول على هالنوع من القلاصات 🙂
@shop_rustic العواده ماخذتهم من اكاونت بالانستغرام اسمه
الجياسة كانت مزهبتهم حق اليهال وفيهم اشياء تشوق وايد استانسوا فيهم
وهذي الحلوة لجين مع البيرثداي قيرل جوجو اللذيذة :*
يعطيج العافية سويرة على الحفلة الحلوة خفيفة ولطيفة وسريعه واليهال وايد استانسوا ماقصرتي 🙂 وعسى الله يعطينا طولة العمر ونحضر كل اعياد ميلادها وتخرجها وعرسها واستقبال ولادتها وعيد ميلاد عيالها هههههه
Love u baby Jana :*
About the author
7biiiibty 6yooba b3d 3mry 3ala hal kalam el 7elo, mashkoora wayed 3la elyaya o ya rb ta7thereen 3ers’ha enshallah <3
افا افا ما له داعي الشكر وان شاء الله ياربي نحضر عرسها ونيبب لها ونرقص سامري تراوالي ذيج الحزه مافينا حيل الا على السامري هههه
Comments are closed.