الاسبوع اللي طاف نزل فيلم ديزني اليديد بلينز في دبي
وبسينما فوكس بالامارات مول كانوا مسوين له دعاية وايد حلوة حق اليهال
وقلت ادلع نصوري ولد اختي ومع اني ما احب افلام الكرتون بالسينما بس يالله لعيون نصور ندخل ونشوفه
3D الفيلم بتقنية
ومن اول ما حجزنا التذاكر سلمونا النظارات
وبعدها رحنا خذينا بوب كورن فمنزلين عرض للاطفال كوب على انواع الطيارات اللي بالفيلم ومعاهم هدية طيارة
قصة الفيلم عن طيارة صغيرة لرش المحاصيل الزراعية اسمه (داستي) ويرغب انه يخوض مغامرة كبيرة باشتراكة بالسباق العالمي للطائرات فيلجأ لمقاتل سابق لتدريبة للتغلب على مخاوفه من المرتفعات والسرعه وغيرها من الامور ويساعده اصدقاءة
ورغم ما يتعرض له من بعض المتسابقين الا انه يستطيع الفوز بالنهاية 🙂
الفيلم عجبني مع انه في بعض اللقطات احسها مو مالت يهال بس عموما الفيلم ونيس
One comment
Comments are closed.