كل سنة ادور لي شي مميز احط فيه عيدية عيال اختي الله يحفظهم
السنه اللي طافت خذيت حلاو مصاص كبار مكتوب عليهم عيدكم مبارك من فانتسي وورلد و علقت عليهم العيادي بشرايط
هالسنة و انا احوس بالانستغرام لقيت اكاونت اسمه
@she5ti
عندهم بوك للكروت راقي بنوعين واحد مطرز عليه عيدكم مبارك و الثاني عطوني عيديه قيمة الواحد ٤ دك
قلتلها تزهبهم لي ومريت خذيتهم بنفس اليوم واستلمت الجيس 🙂
الحلو فيه انه مرتب ومجكنم وشي يحتفظون فيه اليهال ماينقط وفيه كرت من و الى
انا خذيت اللي مكتوب عليه عطوني عيديه
شوفو من داخل
ومريت ٣٦٠ مول فوق عند الالعاب وخذيت حق كل واحد كرت وعبيته بمبلغ 🙂
وكل واحد استلم عيديته و وايد عجبتهم
احلى شي تعليق لولو بقتت عيونها جان تقول الله العااااااب حااااابيبتي و تيي تبوسني 🙂
هالبنت على شطانتها بس ماخذه قلبي الشيتونه 🙂
هذي لولووو مع حبتينها ههههه
