يوم اليمعه كنت احوس بالانستغرام ولقيت صوره لتمر شكله لذيذ ومشكلتي امووت على التمر شلون اذا صار الشكل مرتب ونازك ويقول يا من ياكلني 😀
والله دقيت عليهم وقلت لهم ابيه العصر وما شاء الله بالموعد كان الجيس بالصاله
الجيس بروحه نازك
والعلبه قمة الذرابه حتى حق نقصه تبيض الويه تشوق
وكان طلبي نصين (تمر مع لوز – رطب مع جوز) بقيمه 14 دك مع التوصيل يصير ب15 دك
التمر صديقه الصدوق منو ؟؟؟ دلة القهوه او اللبن البارد المندي اللي يسرسح 😀
الرطب عجيب طعم الشي اللي داخل نفس الرانجينا ناااااطع
و وصلت القهوه ومزاج ام كلثوم كمل احلى قعده مع تمر دسمان
Date with almond : 12KD
Rotab with walnut : 15KD
Half Half Dates : 14KD
حبيبتي اسمة رطب كاتبه روتاب ليش؟؟؟؟
السلام عليكم
حبيت اسال الاستكانه من وين ؟
شكرا عالبلوق الاكثر من رائع الله يوفقج
الله يهداج اسمه رطب مو روتاب ،، اهم يكتبونه جذي لانه بالانجليزي بس انتي ليش تتكتبينها روتاب 🙂
امبي امبي لووووووووووووول هذي بوستات توالي الليل لما الواحد فيه النوم
المشكله اني اهجيها واقول ياربي شنو روتاب يمكن شي ماعرفه ماطرى على بالي رطب
هههههههه يزاك الله خير عدلتها اشوه محد جكها الا انت 🙂
Comments are closed.