تجربتي مع شركة بانكويت العالمية للتجهيزات الغذائية

يوم الجمعه كان عشانا بوفيه من شركة بانكويت العالمية للتجهيزات الغذائية 

ما شاء الله عليهم وصلوا الظهر وشافوا المكان ورتبوا شغلهم من طاولات واجهزة والعصر وصلوا بنات الخدمه مع باقي الاغراض وبدوا يسنعون ويزهبون البوفيه 

الساعه 7 ونص كان كل شي تمام الاكل مصفوف ومغلف وجاهز

البوفيه كان معاه خدمة المشروبات طبعاً من عصاير طازجه وجاي نوعين (احمر – اخضر) والقهوه العربية 

البوفيه مرتب وجاهز ل 15 شخص

سلة الخبز وبعدها المقبلات الميني نازكين وطعمهم لذيذ

التبوله يايبين منها نوعين الميني والتبولة العادية الكبيره

برياني وايد مدحوه البنات

كبب وباي مشروم 

فطاير

بوفيه الحلويات .. هم كل شي فيه صغير 

السيرفس (ماري لو وليلى) كانوا حدهم حبوبين وسمحين وما شاء الله منتبهين على كل شي ويقدمون للضيوف اول بأول

شكرا لشركة بانكويت وللأخ عبدالرحمن بورحمه على البوفيه والخدمه الممتازه وموفقين ان شاء الله

Tel : 24339995 – 24310804

Site Link  Instagram @BanquetKw

5 comments

  1. Lina says:

    شكرا بينك غيرل على الشرح الوافي والصور الحلوة يلي جات بوقتها لأني بطلب منهم لحفلتي بعد اسبوعين إن شاء الله .. بس ممكن تشرحين لي أكثر شنو طلبتي من الأطباق الرئيسية ، وهل كفت لعدد 15 شخص وآخر سؤال : كم كلفك البوفيه لعدد 15 شخص ؟؟
    مشكورة وايد حبيبتي سلفاً

    • PinkGirl
      PinkGirl says:

      العفو حبيبتي
      احنا تقريباً كنا تقريبا 20 شخص غير الخدم كفانا و زاد ما شاء الله
      بصراحه طلبت انهم اهم ينقون لي الاطباق الزينه عندهم ويابولي البرياني ولحم مثل الستيك ملفوف وداخله خضره ومعاه صلصة وايد لذيذ اضافه الى المعجنات والكبب وباقي الاطباق الميني
      التكلفه والله مادري بالضبط تقدرين تستفسرين منهم لأنه اكيد يختلف على حسب الطلبات اللي تبينها

Comments are closed.