Sneak Peek : @FortuneCookieQ8 EmChaknam @The_Avenues

by // // Comments off

حطيت صوره قبل شوي بالانستغرام و سألت انا وين ؟ الاغلب رد علي فورجن كوكي 😀

لمسات اريج الخرافي صارت واضحه والكل يقدر يجكها 🙂

كنت اليوم في فورجن كوكي المجكنم الموجود في الافنيوز (السوق) تلقونه بظهر كافيه بزه وسي عمر 

بين السندباد ولولو الصغيره وبشار وغراندايزر والسنافر تغوصون بالمحل العنونو بجو الطفولة الجميله مع الاغاني اللي ترجعنا سنين وسنين ورا

المكان عنونو بس ما شاء الله الديكور يشوووووق ماتدرون وين تشوفون .. اريج وصلاح زماني ذوقهم ذوق الطيبين ويا زينه من ذوق 🙂

سنفروو بحياتكم شرشبيل قادم ههههه

مربعات الاحرف من وين مطلعتهم مادري 😛 

ستيكررررررز 😀 عجيبين 

الادراج زوووووغه 

شنو تلقون من فناتق وشغلات في فورجن كوكي مجكنم ؟؟؟

صورت لكم بعض الاشياء المميزه والباجي اكثر روحوا شوفوا بنفسكم وتنقوا 😀

ام كلثوم الماكنتوشيه 😛

هذا بروش

عقود الفل بعد موجوده

حمد قلم يسلم عليكم ويقول لكم فورجن كوكي المجكنم يستقبلكم باجر الساعه 6 ان شاء الله في الافنيوز .. حياكم الله

About the author

PinkGirl
PinkGirl
Traditional Kuwaiti Girl, i have the passion of blogging and updating my readers for any thing new at K-town.