سي عمر مطعم جديد في الافنيوز (السوق) متخصص بالاكل المصري
ان شاء الله بيفتح باجر الساعه 5 المغرب
اليوم كنا مدعوين لتجربة اطباقهم المصرية اللذيذة وبالحقيقة كنت رايحة وانا متشجعه كوني اول مره اجرب مطعم يقدم اكل مصري
المطعم صغير وديكوره يونَس .. داخل المطعم حاطين براويز للممثلين والممثلات المصريين القديمين
المميز بالقطع التقليمه اللي يايه ستايل مع الموضه هالايام 😀
والتداخل بين الاحمر والابيض والاسود معطي حركه حلوة للمكان اضافه الى ان تصميم الكراسي اللي باللون الاحمر مشهورين بقهاوي ومطاعم مصر حتى اللي مثلي ما شاف مصر يعرفهم من خلال الافلام والمسلسلات 🙂
واستقبلونا الصعايدة بدشداشتهم المصرية المرتبة والعاملين بسي عمر بقحافيهم والابرون الاصفر المميز
على كل طاولة تلقون هالورقة المعروفة بكل المطاعم لكن الحلو بسي عمر وجود الست ام كلثوم وكتابة اغنيتها (رجعوني عنيك لايامي اللي راحوا) بالكامل او يطلع لكم الورقة اللي عليها العندليب بأغنيته على قد الشوق اللي في عيوني يا جميل سلم 😀
اول ما تقعدون اييبون لكم الترمس
وسلة فيها العيش المصري والمشلتت
ونلقي نظرة على المنيو
المنيو منوع وفيه اشياء وايد لكن اكثر شي يميزه هالكلمات 😀
طلبنا عصير ليمون وعصير ليمون بالنعناع والاثنين منعشين وباردين والقلاص راهي ما شاء الله
وفكونا من التنقي ما قصروا وقدمولنا على ذوقهم سيت منيو المقبلات والطبق الرئيسي والحلويات
اول شي وصلنا سلطة الجرجير وكانت وايد لذيذة
ورق العنب اول ما شفته قلت شكله عادي بس صج الشكل مو كل شي لأنه الطعم نااااار
حمص بوحمد بالبطاطا الحلوة
شي قااااتل صج صج لذيذ والبطاطا شيره ما شاء الله تينن مع حموضة الحمص شي خيال
فول بالزيت الحار
كان لذيذ بس يبيله شوي ليمون ويطلع احلى
البليله نسيت اذوقها هههههه مادري شلون طعمها
شلون مطعم مصري ومافيه طعميه 😉
تييكم حاره فريش ولذيذذذذة
معكرونية بالبشاميل
فتـة سي عمر
دياي مع الرز والبيديان مغطينه بالخبز المحمص والزبادي بالثوم
وايد لذيذة
رز معمر بالفراخ
رز مصري باللبن والقشطة والفراخ (الدياي) شي غريب اول مره اذوقه بس طعمه زين والله
ايوا يا ايوا اهني عاد اللي يايين علشانه
الحجي كشري 😀
يقدمون مع الشطة والدقه والصلصة
وايد لذيذ يم يم
وشوية من اكل الخواجات
بيتزا طلياني
باختصار مفيد مارغريتا بس مصرية لذيذة 🙂
وصار الوقت اللي نجرب فيه الحلو مع الجاي
ووصلت ام علي اللي سموها ام عمر ههههههه
طعمها وايد غير عن كل ام علي ذقتها متروسة فستق واحسن شي انهم شايلين منها الزبيب
وكوباية شاي كشري مصري اصلي
وجاي كويتي
وختامها مسك مع هالست هانم .. مهلبيه جيز كيك
خيال خيال خيال
اللي يروح ما يجربها ماعنده سالفة ترى من صج حبيتها بارده ولذيذة وفنتق
C Omar Located in The Avenues, The Souk
Instagram @C_OmarKw
صراااحه سعاااابيلي قامت تخرررر وانا اطالع هالصور … يبيله والله سي عمر
Comments are closed.