Early Birthday Surprise

القصه يا محفوظين السلامه ان امس كان عندي شغل بشويخ وكنت رايحة بهدوم مريحة وتكرمون جوتي رياضه وكان عندي موعد مع دندرمه الساعه 6 في بك حطين اللي نقضي فيه اغلب ايام الجمعه فحاطه في بالي ان الوضع عادي جداً ما يستدعي اني اكشخ واتمكيج واتسنع

طلعت ومريتها جان تصدمني !! غغيرنا الخطه من بك الى جوكليت بار البدع !! اممممم لا يا بنية اتفاقنا حطين !! لا لا مابي ابي البدع وعلشان مواعدتها من زمان ومابي اكسر بخاطرها قلت يالله مو مشكله 

رحنا وقطينا سيارتنا بآخر الدنيا في براحه صوب ريجنسي من الزحمه وقضيناها مشي لي جوكليت بار 

المهم وصلنا وطبعا ماكو مكان تحت فقالولنا اكو مكان فوق قلنا يالله فوق فوق

وتطلع عيوني من مكانها لما شفت جدامي رزه وتربل سسترز وجاكي ولجين وجست نون وام عزوز ونوره صديقتي 

حبايبي مسوين لي مفاجأه ومتيمعين يحتفلون بعيد ميلادي 😀 

ضاق خلقي ان الصور بتكون جني يايه من شاليه بس طاف اهم شي وناستي معاهم 🙂

والله كانت احلى يمعه سوالف و قهوه وعشا وحلو 

حبيبة قلبي المجكنمه لجين :*

وكالعاده تجكجك 🙂

وبكل تخروووووعه وصلوا ستاف جوكليت بار وغنولي ماقصروا وطفينا الشمعه مع احلى ناس بالدنيا :*

والله انتوا اغلى من كل هدايا الدنيا مشكورين وايد على هالمفاجأة الحلوة ماتدرون شكثر استانست عسى الله لا يحرمني منكم :*

والله يعافي البلوق اللي من خلاله تعرفت على مجموعه من الناس الذهب

هذي هدية نوير اختي وصديقتي وتوأمي اللي معطيتني اياها من دهر هههههه 

وتدور النواقص اللي عندي علشان تكملها وهذا سبب وجود القلم هههههه :*

وهذي هدية حبيبتي واختي دندرمه .. مادري شقول عنج تدرين لو شقول ماعرف اطلع اللي بقلبي احبج وايد :*

احلى 3 خوات التيجر والفوتوغرافر والجعده من تربل سسترز يا حلوهم دايما ذوق وسنع احبكم وايد انتوااا سكر اكثر من الكوكيز :*

هدية كنت ناطرتها من 2011 لما دزيت ايميل لجاكي ابي منها تسويلي تصميم خاص بالبلوق

جوجووو حياتي بعد سنتين حققت امنيتي واهدتني تصميم اينن مثلها وباذن الله بيتركب قريب وان شاء الله يعجبكم مثل ما حبيته وايد وعجبني 

جوجووو احبج وايد يا صديقة المواعيد المضبوطه :*

حبيبتي ام جوجو حسافه ما لحقت عليها يت مع جوجو وحطت الهدية وراحت 

سويره مشكووووورة وايد وايد يالغاليه واحبج انتي وجوجو وايد وايد

ام عزوز الغاليه السنعه حضورج وايد اسعدني خصوصا اني ولهانه عليج ومن زمان ماشفتج 

احبج وايد وعسى الله يحفظج ياربي :*

رزه حياتي مشكوره على العزيمه يالغاليه عسى الله يحفظج ويخليج احبج وايد وايد :*

2 comments

Comments are closed.