مظاهر الاحتفال بالعيد الوطني وعيد التحرير موجوده في كل مكان من بداية فبراير .. المباني تتزين والشوارع تتركب فيها الاعلاموالمناطق كل وحده تتفنن بالزينه
بس المسيره غير .. انا احرص كل سنه اروح علشان اشوف الفناتق اللي يسوونها على شارع الخليج 😀
هالسنه الثانية على التوالي اللي يمنعون فيها الفوم اللي افتكينا منه لكن الماي حل مكانه اهوو رشاشات اهوو بلونات
شوفوا هاليهال الله يحفظهم يتخطرفون بين السيايير كل واحد ورشاشه حرب مو مسيره
والكبار بعد مو مقصرين
وناس شحليلهم مع اعلامهم مسيرتهم هادية
هالسنه التبدع كان بالعبارات اللي على سيارات الشباب شي كاتبين كلام يضحك وشي لا والله عبارات وطنية وصور وشغل عدل
بالونات
واهل الخليج ما قصروا يايينا من السعودية وعمان والامارات وقطر والبحرين يشاركونا افراحنا
يعطيكم العافية وصج لي قالوا الخليج ديره وحده عسى الله لا يفرقنا
وفي ناس يايين يصورون ويتصورون 😀
اما اللي لعبوها صح اللي فارشين غريضاتهم ويبيعون 😀 جني بسويها السنه الياية وابسط بقشي وابيع هههههه
وصادفنا يهال زوغه وصورناهم الله يحفظهم ويخليهم لأهلهم 🙂
ومنهم حمودي وكدوية وعرفت اساميهم من اهلهم اللي جكوني مصورتهم بالانستغرام 😛
وهم هذي خوووش شغله السنه الياية ان شاء الله بركز على اليهال وبصور فيهم وابيع صورهم على دينار هااا تشترون ؟؟ ههههههه
ولابد من شي يصروع اليهال !! ليش ليش ؟ من قال لكم البيت المسكون ! ترى عيد وطني
كان في عرض جوي لفريق الفرسان الاماراتي حسافه ما لحقت الا على هالشي
كانوا مسوين قلب حب على علم الكويت
ماقصرتوا يا اهل الامارات كلكم ذوق وسنع
حتى مكرم السامع الجلاب في المسيره
مادري ليش راكبين ومتعنتلين بسياره البلدية !!! لو طحت وتكرفست وتكسر صماخك من اللي بيموت من الحره غير اميمتك
الله يهديكم ويصلحكم
وآخر صورة كانت لبرج الحمرا متزين بعلم الكويت اليديد والقديم حده زوغه
كل عام وكويتنا بخير ونشوفكم السنه الياية بإذن الله 😉
