مناطق الكويت في فبراير كل وحده تقول الزود عندي بالزينه وهالسنه وايد سمعنا عن زينة منطقة الروضة وقلنا ناخذ سياييرنا ونروح نشوف الوضع وشلون صايره زينتهم هالسنه وشنو فناتقهم اليديدة بالروضة
اتفقت مع الصديقات العزيزات نلتقي هناك وناخذ لنا جولة مشي ونصَور على راحتنا
وصلنا تقريباً الساعه 8 والحمدلله الجو كان وايد حلو والتمشى عجيب
اول شي صادفناه شعار جمعية الروضة اللي مجسدينه على هيكل زينه يملي الشوارع
اللي انشهرت Kuwait وكان لنا وقفة عند مجسم
والكل ايي الروضة مخصوص علشان يوقف ويصور يمها .. حدها عجيبة والله خصوصاً انها وردية 🙂
الشجر بالشارع الرئيسي بالروضة يشوق مزينينه بالليتات بأشكال وألوان
حتى ليتات شارع الجمعية مزكرتينهم بهالزينه الروعه
جسر المشاه بالاضاءه حده عجيب والاحلى انه يتغير كل فترة من لون الى لون والمنظر من فوق الجسر عجيييييب .. اول مره بحياتي اركب جسر 😀
الروضه بدعوا هالسنه وزينتكم عجيبه يعطيكم العافية
One comment
Comments are closed.