عزمتنا صديقتنا ميرا تايقر مود على ريوق مطعم قصر البردوني
🙂 وهالزياره مخصوص علشان نشوف زينه وكشخة البردوني للعيد الوطني
وصلنا ولا الشكل من برا روعه مع الشماسي .. الفكره وايد عجيبة
روووووعه عجيبين
ودخلنا وكانوا مزهبين لنا طاولة بعيده عن الناس وبرا بالجو الحلو
ورحنا نشوف بوفيه الريوق
سعر البوفيه 4,5 دك للشخص
ما شاء الله البوفيه كبيررررر ومتنوع واللي صورته جزء منه فقط لأنه ما كنت حاسبه حساب بكتب بوست لكن عقب الشغل العدل اللي شفناه قلت انزلكم جم صورة
ركن للمقبلات البارده مثل السلطات وساندويتشات وبيض والمقبلات اللبنانية من اجبان وزيتون ومتبل وحمص ومحمره وفول وغيره
وقسم ثاني فيه الاشياء الحاره والمقالي
وقسم المخبوزات مع التوستر .. حتى البقصم ولسان الثور موجود
العصاير والفاكهه
الحلويات اشكال والوان
وغير كل البوفيه اكو انواع من البيض وطبعاً يقدمون لكم الخبز الحار من التنور
وختمناها بقهوه فرنسيه مع أم علي 🙂
اكرمج الله ميرا خوش ريوق وخوش قعده وخوش زينه للعيد الوطني ما قصرتوا :*
Alberdawny Located in Salmiya, overlooking the Gulf road and across the street from the Yacht Club
Tel : 25661117 – 25661118
Site Link Instagram @Alberdawny
بالعافيه ي رب , ايش الافضل بالنسبة لك هو او لينوتر ؟!
هذا شي وهذاك شي ثاني كل واحد له جوه
Comments are closed.