عــروس يا الأحمــدي

في فبراير من كل سنة ننطـر نحضر عرس الاحمدي 

عودونا تكون زينه الاحمدي غير عرس وطني تبارك الرحمن .. ابتكار واضواء رائعه وفناتق والمنطقة رقم 1 بالتزكرت لعيد الكويت الغاليه:)

لكن هالسنه ما شاء الله غير الناس عيدت بالعيد الوطني قبل لا ايي ززززززحمه من تعدي الساعه 8 

اضواء خياليه رائعه على كل المباني والاشجار والاسوار والبوابات وفوق هذا كله مسوين هياكل لبعض المعالم السياحية بالكويت

دخلنا الاحمدي تقريباً الساعه 7 وشوي 

الشرطة مسكره بعض الشوارع صوب الزينه علشان الواحد ينزل يتمشى ويصور براحته 

بس لو هاليهاهيل اهلهم يمسكونهم عن مسدسات الماي اللي يأذون فيها الاوادم نكون بخير خصوصاً ان المكان كهربا وخطر والناس يايه تصور وتستانس 

لما تنزلون تتمشون تشوفون ممرات الممشى زوووووغه تبرق من الزينه 

يا زين البوم 

النجمات منثرين كل مكان بألوان تشوق

مزهرية كشخه 🙂

هياكل زينه لمعالم سياحية بكويتنا الحلوة .. الابراج, برج التحرير, المدرسة المباركية, قصر السيف, سور الكويت, مجلس الامه, القصر الاحمر وغيرها

المدفع اينن 

مجلس الامه

المدرسه المباركية

الوريدات يشوقون 

بيت السنافر .. مشروم 😛

الاحمدي مكان لازم لازم تزورونه خلال هالفترة .. اخذوا عيالكم واهلكم واستمتعوا بالزينه الحلوة والجو العجيب وعليكم بالعافية 🙂