اليوم الصبح كنا ننتظر مفاجأة من شركة زين للاتصالات .. قالولنا تجمع وخبر حصري !
لكن كانت المفاجأة 3 عروض رائعه من شركة زين احتفالاً بالعيد الوطني وعيد التحرير والفيديو اللي تصور للعروض بينزل في العيد الوطني ان شاء الله
العروض تحاكي فترات ذهبيه عاشتها الكويت
العرض الاول كان لفترة الستينات والسبعينات
خلونا نشوف شنو كان اكو هذيج الايام 🙂
ايام الابيض والاسود بالستينات وسبعينات لعز الرياضة الكويتية
منوو مايعرف هالاوبريت .. صبي كسر المنظره وانحاش توه اشكره وخلاني يبا خلاني وراح يركض وراه 🙂
وفقره تقليد اوبريت مداعبات قبل العسل .. انا عايش على قدي وعندي بيت وعندي بويت وعندي موتر صغير ولا له ليت انا بالليل مالي شغل واذا صار المغرب بظل بوسط البيت ويمي نقل اكسر وانتي يمج هالكثر برميت 😀
انا جحا منهو احم احم شنهوو 😀
احلى شي انه الفنان ابراهيم الصلال كان موجود يشوف العرض عسى الله يطول بعمره ويعطيه الصحه والعافية يا زينه وايد احبه بوخالد 🙂
وبنهاية العرض الاول طلعوا هالشباب يوزعون حلاو وككاو انواع قديمه مثل بوشمسيه والمثلث لليهال والكبار
المرعب جاسم يعقوب والفنان القدير ابراهيم الصلال كانوا حاضرين العرض
شرايكم تشوفون فيديو الستينات والسبعينات 🙂
بعدها بفترة بدا العرض الثاني واللي يحاكي حقبة الثمانينات يا زينها زينااااااه
وقت العصر الذهبي لكرة القدم والمرعب بومحمد (جاسم يعقوب) كان مستمتع بالعرض مع اسرته الكريمه
وجان تطلع لنا خالتي قماشة سيدة هذا البيت هههههه
سكة سفر فيها مشاوير العمر
وتلفوني كل دقيقة بس يرن 🙂
فترة الثمانينات اللي ظهرت فيها ام تي سي الاسم السابق لشركة زين 🙂
ووصلت فرقة التلفزيون وصبوحه خطبها نصيب اووو خطبها نصيب فرحانه وابوها غصب واسرى الليل للعاشقين
ونااااسه شارد جمعه والعربي الصديقي ونهاش وجانيت وصلوا من لندن
والحرمي ما يموتشي جات اخبارووفالكوتشي ويالله يالله يالله هيييييييييي
متابع العرض وحلاته HiKuwait ويا زين فروسي ولد
وهم بعد العرض الثاني وزعوا ككاو وحلاو:)
وفجأة دخل علينا راعي البريييييييييييييييييد وتكودوا عليه اليهال ياحلوهم 🙂
فيديو عرض الثمانينات
خالد الرندي ومشعل ليلي من فرقة ميامي والمذيع علي نجم كانوا حاضرين
وحصرياً للمدونه جم صوره خلف الكواليس وقت التحضير للعرض الاخير 🙂
تقليد مسرحيه زين عالم جميل 🙂
شوفوا البواريك اللي ورا هههههه يحلوهم ضابطين الشغل كل شي عليه اسمه وحق شنو
حاطين صور كل شخصية علشان يعرفون يضبطون مكياج اللي بيقلدها
والتقينا بمخرج العمل المبدع يعرب بو رحمه بالكواليس
العرض الاخير كان لفترة التسعينات والالفين
البداية كانت عن الغزو والتحرير
حقوق المرأة السياسية
المشجع المشهور القبقب
تقليد بوعدنان (بوردح) وانتصار الشراح (مرزوقه سيسم) بمسلسل قاصد خير
يما ينني بنسفة غترته مكحل عيونه مدهن قذلته
جمبلوو جمبوليله وعاشو عاشوو .. اكيد عرفتوهم !؟ فرقة ميامي 🙂
زين عالم لا تدور فيه كلمة مستحيل 🙂
ختام العرض الاخير 🙂
كانوا موزعين اعلام على الحضور وكان الشعور حماسي 🙂
صوره اخيره لكل المشاركين بهالعروض الطيبه
وهذا فيديو لعرض التسعينات والالفين
كل الشكر لشركة زين للاتصالات على الدعوه الرائعه دايماً تونسونا وتردون لزمن اشتقنا له ماقصرتوا وناطرين الفيديو الرسمي لهالعروض اللي لاتنسى 🙂
This is amaaaaaaaaaazing wooow
yes it is
Comments are closed.