فيلم هيلوو كايروو

اول امس كنت سهرانة ومادري شاللي خلاني افتح سايت السينما وتذكرت انه يوم الخميس ينزل فيلم طارق العلي (هيلوو كايروو) وبما اني بإجازة قلت خل ادلع روحي

واخذلي في اي بي وادخل اول عرض للفيلم الساعه 12:30 الظهر في سينما 360 مول

الضحى رحت تمشيت بالمول واستلمت تذكرتي من المكينة

دخلت السينما اول وحده .. وايد متحمسة لوول

لوازم التقرمش وقت الفيلم

وهذا الفيلم بدااا

بالنسبة لرايي الشخصي ماحبيت الفيلم كلش فيلم معتوق في بانكوك كان فيه قصة ونهاية

هالفيلم ما فهمت منه الا انه طارق او سليمان بالفيلم يعاني من مرض النسيان ! مع انه في مواقف بالقصة ماكان يبين فيه هالمرض ولا فهمونا من شنو ياله هالمرض ولا شي

محمد العجيمي وشهاب حاجيه مالهم اي دور بالفيلم مجرد ظهور لا اكثر وحتى احمد بدير كذلك

انتهت القصة مثل بدت مافهمناااا شصار !!! بإختصار ماتوفقت بالقصة يا طارق

This entry was posted in Movies.

6 comments

  1. PebaBlog.com says:

    مثل ما توقعت فلم مليق وبدون قصة

    الحمدلله اني ما راح ادخله ولا مفكر اني ادخله

    ثانكس عالبوست

    • PinkGirl
      PinkGirl says:

      يو ولكم اخوي
      اي والله فعلا مليق ويدون قصة مع اني توقعت انة بيكون حلو بس خاب ظني

  2. Ambiguity says:

    كنت بدخله الفلم بس من جفت تقريرج عنه هونت

    ثاانكس خيتوو على التدوينه

    تحياتي وتقديري لج اختج

    Ambiguity

    • PinkGirl
      PinkGirl says:

      فعلا كان شباب مشاء الله ملاحظتك قوية .. كنا حاجزين متأخر وماكان اكو مكان الا صوب الشباب والحمدلله كان كلا عوايل مالقينا مشكله 🙂

Comments are closed.