احب الناس اللي لما يسوون شي يبدعون بشغلهم الى درجه نقول اللـــــــه اشحلاته اينن
صلاح زماني احد الموهوبين بمجاله واحد الاشخاص اللي يجبرك تقوله واو .. احب طريقته في تصميم قطع الاثاث
احب اختياره لمفرداتنا الكويتية وتقديمها كتحفة فنيه في بيوتنا عبر التطريز على الكوشيات وايضاً الرسم على طاولات التقديم والصواني .. هالمجموعه كانت سوبر واو
اليوم كان معرض بركه الخاص بصلاح زماني في 52 ديقريز بالشويخ
طبعاً خاص بالاثاث والاكسسوارات الجديدة للمنزل وبالفتره من 28 الى 30 يناير 2013
التقيت ولاول مره بصلاح شخصياً وعرفت منه انه كل قطعه من القنفات لها اسم .. شيخه وغنيمه وسلطانه !! يا حافظ كل الاسماء قديمه وراك ما سميت قنفه على اسمي ؟ 🙁 ناطره المعرض الياي ترى 😀
زوغه الكوشيات .. العويه تعيب على العدله هههههه
وبفلوسك محد يدوسك .. صاج والله صلاح بهالزمن هالمقولة دارجه جدا جدا
حتى التقديم تراثي فنكي 🙂
اللي عوروا قلبي وحدي حدي حبيتهم طاولات التقديم حدهم ايننون وجدا جدا ذوقي ملونين فرايحيين تراثيين فنكيين انا يعني انا 😀
كان في عزف حي وقت المعرض .. اللي ضايفني بالكيك يجيك على الفيديو 😀
Tel : 66680008
Email : Designdar@hotmail.com
Instagram @Barakasz
