Review : @Sparkle_Nails Spa

بطبعي احب النيلز سبا واستمتع لما اروح اتدلع بريحاتي فما بالكم اذا صارت الطلعه مع الصديقات وناخذ المكان كله

وصلتنا دعوه من اصحاب سباركل نيلز سبا في ديسكفري لقضاء الوقت مع بعض في المكان 

ووصلنا انا ورزه وسلفر بلينق بلاك وميرا تايقر مود واستقبلونا الستاف يحليلهم وايد حبوبين ونفسهم حلوة 

اول شي لازم جم صورة للمكان .. حده ذرب وراقي بصراحه

ما شاء الله اصباغهم وايد وماركات كثيره لكن اغلبها 

OPI, Essie & Zoya

المكان يشوق والكرسي من اريح الكراسي اللي جربتهم في النيلز سبا .. عادي تنامون عليه ههههه

ووصلت العده المعقمه

Silky Mani & Pedi اخترت 

وماقصروا ضيفونا .. حد الذرابه والنزاكه

 اختياري من الاصباغ

البنفسجي من مجموعة ماريا كيري او بي اي 

ريحانه سوت لي البديكير والمانيكير وحدها عجيبة ما شاء الله وماخذه راحتها ما احب اللي يستعيلون 

بعدها استلمتني افلين حق مساج الريل بالصخر

حدها حدها عجيبه الصخر حااااار وتدلك من قلب اتينن وايد استانست على مساجها 

وهذي كانت النهاية 😀 

Sparkle Nails Spa Located in Discovery Mall, Alsoor St, Ground floor

Tel : 22913699

Instagram @Sparkle_nails_spa

One comment

Comments are closed.