بيـض طماط على نار الــدوه

تحلى هالايام القعده بحدايق البيت والقعدات الخارجيه بالمطاعم والقهاوي

بالويك اند اللي طاف عزمتني صديقتي امون على العشا في بيتهم وتدري فيني بعد عمري احب سوالف العيايز والتغمس فمزهبه العده من درابيل وبقصم والحليب والجاي واللذي منووو

خوش قعده ما شاء الله حديقتها شرحه وكان حده برددددد والدوه ماقصرت قامت بواجب التدفئه على اكمل وجه

وزدنا زعفران على الحليب والريحه حدها خنينه 🙂

احلى حليبه مزعفره على الدوه

جان يطق براسي واقول حق امون ودي اجرب اسوي بيض على الدوه .. والحبيبه ماقصرت طارت يابت المقله والبيض والطماط بعد  وشوية زيت لزوم القلي

احلى شي حتى البيض مرحب فيني .. الاسم اينن .. طيبات لطيبه 😀 

والشيف انا بديت الشغل .. مصدقه روحي ههههه اقصاه بيض وطماط

المهم حطيت دوائر البيض لأني ما احب مقطع احب انا اقطعه مع البيض لما يذوب على النار

وخلطنا بيضتين وقطيناهم فوق الطماط ولما استوى شوي حسناه بالقفشه وسويناه سكرامبل بيض طماط .. ياســــلام علي والله طباخه 😛

والله والله والله الذ بيض طماط حده مووو صج .. مو صح امون ؟؟ يا ويلج ان قلتي لا ههههههه

جربوها على الدوه وادعولي 🙂