اذا صار الشتا وين نروح ؟ اللي متابع مدونتي ويعرفني عدل يدري ان الشتا يعني المباركية 🙂
وهالسنه تأخرت بالروحه شوي وقلت هالمره نجرب ريوق دلق سهيل
بالويك اند شلنا شلايلنا ورحنا نتريق هناك .. المكان مو زحمه خصوصا انه مبجر
اخترنا طبق الجبن مع الخضرا ومشلتت كرافت وبيض طماط مع كرك
ووصل الخبز الايراني الحار من الفرن الى طاولتنا
والخضرا .. من ياكل بصله من صباح الله خير ? 😀
الكرك الطيب
مشلتت الكرافت .. عجيب
جبنات وزيتونات وطماطات وخيارات 😛
بيض وطماط وبرواية ثانية شكشوكة 🙂
ولقمه هنية تكفي ميه
خوووش قعده لو ما الذبان اللي ذبحنا هالسنه شكثره قطع .. بس هم انصحكم تغيرون وتتريقون هناك 🙂
عواافي عوافي … خوش ريوق
اي صاجة هالسنة زايد الذبان شئ موطبيعي يلوع جبدج من كثره
عواافي عوافي … خوش ريوق
اي صاجة هالسنة زايد الذبان شئ موطبيعي يلوع جبدج من كثره
الله يعافيج حبيبتي .. اي والله مو بس الذبان الحشرات عموما هالسنه شي مو طبيعي
Mashallah Yeshwg 🙂 3lekum Bl3afya 🙂
الله يعافيك اخوي
Comments are closed.