اللي متابع البلوق على طول يدري انَا ننطر الشتا مناطر علشان نسوي كشتات ونستانس
والمتعهد الرسمي لكل كشته اهي الحبيبة النوري .. تسنع وتزهب واحنا مغير نييب طبقنا ونبسط 🙂
هالمره حبينا نغير المكان وميـرا تايقر مود اختارت حديقة العرادي في الشعب (قطعه 5) .. اول مره اسمع عنها لكن لما شفتها استانست صغيره وملمومه وفيها بحيره للبط والعاب لليهال وخط ممشى صغير لكن حسافه الحديقة شوية قرعه يبيلها زرع
وكعادتي اول الواصلين فخذيت جولة وصورتلكم جم صورة للحديقة المزينه بأعلام الكويت الغاليه
يا حلو البطيطات ووحده منهم زوغه رمادية وقاصه قذله 😛
ووصلوا البنيات 🙂
وانفرشت مدت النوري 🙂
ووصلت النوري معناها وصلت الجويهه السنعه والشموع
وميرا مسوية شوربة عدس مووو طبيعية خصوصاً مع البردددد ذاك اليوم دفتنا
الطبق الخاص بكل كشته .. توقيع ابله نوره ;P
لذيذذذة
وهذي صورة من فوق لعفستنا ههههههه
تدرون شنو الغريب بالحديقة ؟ شفنا وطاويط (خفافيش) واما ترافيلر قالت انه اكو نوع منهم يعيش بالكويت والاستنفار كان عند الحبيبه دندرمه بطوونا عورتنا من الضحك عليها انخشت بخدرة الصلاة ولزقت بالنوري ابدااااااااااااع يالخوافه هههههههه
عساها يمعه دايمه وعاده ماتنقطع والله يجمعنا دوم على الخير يا بنيات :*
كنتي يم بيتنا وان شاءالله دااايم تنورينا 🙂
منوره بأهلها حبيبتي
عليكم بالف عافيه خووش كشته 🙂
الله يعافيج حبي
3saha 3adah ma tnqe6e3 :*** a7eb kashtaatnaaa wanaaasaaaaaa
آمين .. الكشته كل من يكشت بس رفيجات السعاده مو كل من يلقاهم .. عسى الله لا يفرقنا
عليكم بالعافية … والله زين ما سويتوا
وسعتوا صدوركم ومنها مكان بعيد عن الزحمة واللوية
الله يعافيج حبيبتي .. اي والله خوش مكان
Comments are closed.