تغطية الاحتفال الخاص بمناسبة مرور 50 عام على المصادقه على الدستور

by // // Comments off

الاسبوع اللي طاف بنفس هاليوم (السبت) كان الاحتفال بمناسبة مرور 50 سنه على المصادقة على دستور الكويت

وعدتكم في البوست اللي طاف (اضغط هنـا) اني احط الصور والتغطية اللي سوتها اختي الصغيره وهم صديقتي نوره ماقصرت حبايبي صورولي واخترت لكم جم صورة لتغطياتهم للحدث واكيد بتكونون مثلي مستانسين وفخورين بالترتيب الجميل اللي ماشفت ناس وايد ركزوا عليه و اللي اول مره تشهده الكويت بهالنوع من الاحتفالات الوطنية .. هالاحتفال كان غير بكل شي تبارك الرحمن

اول ترتيب ممتاز كان تحديدهم لنقاط معينه في المناطق تجتمع عندها العايلات وموفرين مواصلات (باصات) تنقل الجمهور لمكان الاحتفال 

بشارع الخليج بعد كان في سيارات القولف تنقل كبار السن والاشخاص اللي مايعبرون يمشون الى الاماكن اللي يبونها

مكاتب المعلومات موجوده بأكثر من مكان لأي استفسار من الجمهور

المطافي والشرطة على اهبة الاستعداد لأي حادث لاسمح الله .. قواهم الله

توزيع الماي على الناس

مكرم السامع الحمامات منتشره بجميع اماكن الاحتفال وشي راقي الصراحه

الناس بهالاحتفال كانوا ايضاً غير .. الناس ياية تبي تفرح تبي تشوف شي غير الله يونسهم بالعافية يارب

الله يحفظك يا بابا صباح 

فرق شعبيه وغناوي شي عدل 🙂

مناطيد بشكل مختلف 🙂

مشعل ليلي من فرقة ميامي وصفاء الهاشم والشيخ دعيج الخليفة والولد الحبوب اللي بدعاية البنك الوطني كلهم كانوا هناك للاحتفال

وبدت الالعاب النارية  وهذي بعض الصور 🙂 

الله يديم علينا الافراح والامان ويخليلنا شيخنا ويعزج يالكويت

شكرا ابلة نوره وشكرا نيوو تسلم ايدياتكم حبايبي

About the author

PinkGirl
PinkGirl
Traditional Kuwaiti Girl, i have the passion of blogging and updating my readers for any thing new at K-town.