بالويك اند الواحد يستمتع بفترة الضحى ويخلص اشغاله خصوصاً ان الشوارع تكون هادية
الاسبوع اللي طاف الضحى مريت برج الحمرا باخذ جم شغله وما كنت متريقة وبعد ماخلصت شوبينق قلت اشوف مكان اتريق فيه
فشفت مطعم هنهم وسألتهم اذا يقدمون اطباق للريوق وقالولي اي فطلعت الكاميرا وخذيت لي جم صوره قبل ما اتمعن بالمنيو
المكان بسيط ويشبهه مطاعم الوجبات السريعه في المجمعات بقسم الفود كورت لكن بشعار كويتي .. كبوس الشيف وعليه العقال 🙂
اما المنيو فمنوع بالاكل الكويتي من المقبلات الى الاطباق الرئيسية والسلطات وساندويتش الخبز الايراني وخبز الرقاق
يقدمون ايضاً القهوه العربية
بعض الحلويات في الديسبلاي
اخترت عصير البرتقال وساندويتش حلوم بالخبزة الايرانية وبدوا يسوون لي طلبي 🙂
وصل ريوقي 🙂
البرتقال كان حامض وايد ما قدرت اكمله بس الحلوم كانت عجيبة وتسوى
For delivery call : 22270234
Twitter @Hanhum_rest
One comment
Comments are closed.