Review : @BloDryBarKw

Blo Dry Bar وصلتني دعوه ظريفه لتجربة مكان جديد اسمه

المكان عباره عن صالون نسائي بفكره مبتكره بسيطة متخصص فقط في تجفيف وتصفيف الشعر اضافه للعنايه به عن طريق الزيوت المختلفه وعندهم يوم واحد فقط لعمل صبغات هو يوم الاربعاء

اول ما تدخلون المكان تحسونه غير 🙂 فنكي والديكور فيه بسيط وغريب وافكاره جميله

حبيت الصورة اللي عند الكاونتر وذكرتني برسمه بمطعم كافيه ميم برج الحمرا 🙂 اتوقع نفس الرسام

مكان الانتظار هادي وملىء بالحلويات 😉

المكان ملموم وستايله عجيب

مكان لوضع اغراضكم .. حبيت الساين 🙂

سماعات تقدرون تستخدمونها لايفوناتكم

لفافات الشعر جاهزة

اول صالون اشوفة يعقم المشووط .. برافو بلو دراي 

بالنسبة للخدمات اللي جربتها عندهم .. اول مادخلت شافت شعري وقالت لي شعرج جاف وفعلا انا صارلي فتره حاسه بهالشي فحطت لي تريتمت زيت للشعر الجاف مع مساج لفروة الراس وهذا احلى شي عندي لما احط حمام زيت وبعد ما خلصت التريتمت اللي اخذ تقريبا 30 دقيقة غسلت شعري وسوت لي سشوار على الطريقة العادية الستريت وكان حلوو

واثناء هذا استمتعت بكوب من الكابتشينو مع ككاو بوشمسية 🙂

شكراً لبلو دراي بار على الاستضافه الجميله وموفقين يارب

Blo Dry Bar Located in Dar Al-Awadhi, hmed Al-Jaber Street, Basement
Tel: 22322272/3

Site Link      Twitter & Instagram @blodrybarkw

3 comments

  1. سارونة says:

    مكانة في مجمع دار العوضي يبيله نجربة براحة يونس واحلي شي ان فاضي مافية زحمة عليج بالعافية

Comments are closed.