اليوم يصادف يوم عيد ميلاد صديقتي الغاليه دندرمة وكنت حاطة في بالي بشتري هدية وهذي سهاله لكن ابي كيكة ومو كيكة ملينا من الكيك كل عيد ميلاد كيكه ونقص قطعه والباجي يقعد ابي شي غير غير غير وهم لذيذ
فكرت ونبشت ودورت وآخر شي رسيت عليه بيت يسوي كنافه ويكتبون عليها الجملة اللي تبينها بالفستق اااااااااااااااااااااااااااي هذا هووووو هذا اللي ابيه
كنافه ودودو تحب الكنافه ويوم حفلة داثره كان بخاطرها كنافه ايواااا هذا الشي بيونسها 😀
دقيت وطلبت الكنافه وبالجبن طبعا وكل شي تمام
واليوم مريتها الفيحا بعد الدوام ويحليلها كان شغلها مرتب والكنافه نااااااااااااااااااااااااااار حااااااااره
وعلى حظي الحلو دندرمة كانت ماخذه اجازة وموجودة بالبيت وبعد قلبي ركضت وبردت علي بماي باررررررد الله يجيرنا من النار على هالحرورة
المهم بدت تفتح القصدير وانصدمت من المفاجأة الحمدلله الحمدلله مو شايفة هالفكره من قبل وحدها حبتها 😀
Happy Birthday Danderma :*
الكنافه ايي معاها اكثر من علبه شيره
For Order : 66166006
ماشاللللهخوش فكره
وماشالله مبين عليها خوش كنافة من وين هالكنافة طيوبة ماعليج امر 🙂
وكل عام دندرمة بالف خير ان شالله وتعوودونة كل سنة يارب بصحة وسلامة
من بيت بالفيحا حبيبتي
يا بعد عمري با بنك ونستيني و صج صج فاجأتيني ! ما نتحرمش منج يا أحلى بنك و الله
:*****
أي و الكنافة خطيرة! و احلى ما فيها انها خفيفة و ما تحسين فيها دسامة و دهن من كنافات برة! تسلم ادين اللي سواها!
بعد قلبي تستاهلين اكثر والله مو قدرج :*
Comments are closed.