Project X by Chef Boutique
مسابقة قوية تعتمد على سرعه الطهي والابتكار بتكون بشهر يونيو خاصة للمدونين برعاية شيف بوتيك
For More Details Click here
باختصار يتكون كل فريق من شخصين وانا راح اكون مع دندرمة ان شاء الله
المفروض يكون هناك مجموعه من المكونات ونبتكر من خلالها طبق ويكون طيَب من حيث الطعم والشكل بعد وخلال وقت محدد يعني كل شي المفروض يكون على السريع والله يستر لأني اول مره بقصص واطبخ انا حدي حلويات خفيفة وبيض 😛
راح يكون هناك 5 قضاة من كبار الطهاة اللي راح يذوقون الاكل ويقررون الفائز
Basma 13 cups طبعا روح المسابقة والعقل المدبر اختنا المدونة
كانت لنا امس وقفة مع شيف بوتيك المكان اللي اول مره ازوره علشان ناخذ فكره حول البرنامج ونتعلم مهارات التقطيع السريع للخضراوات مع الشيف باول اللي صارله 30 سنه في المجال
وكشخنا وتزهبنا للتقصص
المكان وايد مرتب ويفتح النفس للطبخ والله وكل طاولة عليها جميع المعدات الازمة لكل فريق من سيت السجاجين وباد التقطيع والكلينكس والمنظف الايادي والدسوس وغيرها
اضافه للبوتغاز اللي علمونا على طريقة فتحه مع الفرن والشفاط
استلمنا ورقة قواعد وقوانين المسابقة
وتعرفنا على عدة الطباخ
وبدا الشيف يعلمنا مهارة التقطيع بدأنا من البصل !! اول مره بحياتي اقطع بصله لكن شي حلوو خصوصا لما تتعلمون على ايد فنان مثل شيف باول وعقبها الثوم انا علبالي الثوم يقصونه عادي لكن علمنا الشيف 3 طرق لقص الثوم وشلون حتى نسويه جوسي
وبعدها الطماط والجزر اللي كرهته عقب ما قصيته حده عرددد ينرفز اما اللي حبيته من كل قلبي الفلفل الاخضر كان ظرررريف وسهل التقطيع
شكراً شيف باول عرفتني على الخضرا لأول مره في حياتي بعد ما كنت بس اكلها قمت اعرف اتعامل معاها بالتقطيع
ماجذبوا الاوليين لما قالوا عط الخباز خبزة لو اكل نصه .. بس مو بصل لول
شرايكم فيني وانا اقصص 😀
(the Picture below by 7ajidude blog)
ترقبوا المسابقة قريباً ان شاء الله وادعولي اصير خوش طباخه واساعد دندرمة عدل لأني معتمده عليها
Thanks Basma, Ahmed, Chef Paul & Olga 🙂
Chef Boutique Site Link
هههههه قوود لك إنتي ودندرمة
حسافة لو قايلة لي جان ساعدتج أنا وحدة أحب سوالف التطبخ والتفنتق بالطبخ.. بس راحت عليج هالمرة ..
ان شاء الله نشوف الإبداعات قريباً 🙂
المره القادمة ويانا ان شاء الله 🙂
تجربة ونيسه
الله يوفقكم ان شالله .. وناااسه جان زين يسوون هالمسابقات حق أي أحد بيشارك وينقلونها بالتلفزيوون
تلفزيون حق الفضايح لوول
Comments are closed.